Lugo, 13 de xaneiro de 2019.- O delegado territorial da Xunta en Lugo, José Manuel Balseiro, visitou hoxe os traballos que están a desenvolver os alumnos e alumnas do obradoiro de emprego ‘Serra da Cadeira V’, que leva a cabo diferentes actuacións nos concellos de Barreiros, Lourenzá, Mondoñedo e Trabada, moitas delas vinculadas ao Camiño de Santiago. Balseiro achegouse ás obras que está a executar o taller no albergue de Gondán, en Barreiros. Entre outras melloras, cambiarase a cuberta do inmoble e o peche.
O obradoiro conta con 20 persoas alumnas e imparte formación específica en instalación de elementos de carpintería, mecanizado de madeira e derivados e actividades auxiliares en conservación e mellora de montes e en aproveitamentos forestais. Está promovido polos concellos e financiado pola Consellería de Economía, Emprego e Industria cun investimento de 288.800 euros. Para a súa posta en marcha foron contratados, ademais dos alumnos-traballadores, un director, un administrador e dous monitores.
As actuacións a desenvolver ata a súa finalización, a finais de xullo, inclúen tarefas de limpeza forestal e acondicionamento de zonas verdes e diversos espazos destes concellos. Así, en Trabada prográmanse, entre outros, labores de mantemento no Camiño de Santiago (nos treitos entre Sante, Trabadela, Abraira, Trapa, A Cadeira e o límite con Lourenzá), así como a restauración ambiental dos regos Vidal, Vilaformán e San Martiño.
En Mondoñedo tamén se realizan traballos de mantemento no entorno da ruta Xacobea (nas zonas de Reguengo, Lindín e Maariz) e proponse a creación dun espazo público virtual de comunicación e coñecemento do treito do Camiño que atravesa o concello e das iniciativas do propio obradoiro. Así mesmo, no municipio mindoniense está prevista a construción dunha varanda de madeira para a ponte do Pasatempo.
En canto ao concello de Lourenzá, estase a traballar no acondicionamento de parques, xardíns e zonas verdes, como as contornas das igrexas de San Adrao, Santo Tomé e San Xorxe, a capela de San Sebastián, o monte Calvario ou a escola do Castro, entre outras. Neste mesmo municipio, o obradoiro realizará tamén labores de mantemento de mobiliario urbano como elementos de madeira dos parques infantís e bancos. Ademais, está previsto facer un peche na parcela do centro de día de Lourenzá.
Balseiro subliñou que “a importancia destas iniciativas é dobre, non só porque permiten acometer accións importantes que serven para mellorar infraestruturas e servizos públicos nos seus respectivos ámbitos, senón tamén porque representan unha oportunidade para mellorar a formación das persoas desempregadas, ao mesmo tempo que desempeñan un traballo remunerado”.
“Esa formación é unha oportunidade para que eses alumnos e alumnas podan reinsertarse no mercado laboral nunha profesión con demanda por parte do tecido empresarial e produtivo”, engadiu o delegado. Ademais, neste caso “o obradoiro ten unha vantaxe engadida, xa que inclúe actuacións que contribuirán a poñer en valor o Camiño de Santiago, e ten que ser obxectivo de todos mantelo nas mellores condicións”, concluíu Balseiro.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
