Ribadeo, a 16 de febreiro de 2019. Os Grupos Municipais do Partido Popular de Ribadeo (PPdG), Gupo mixto e Partido Socialista de Galicia-PSOE, en base á lexislación vixente, presentan diante do Pleno da Corporación Municipal de Ribadeo esta moción relativa á posta en marcha de accións tendentes a recabar axudas solidarias no marco de Ribadeo Indiano para paliar os danos infrinxidos por un tornado no Hospital Hijas de Galicia da Habana perante o recente temporal que asolou a illa de Cuba.
EXPOSICIÓN DE MOTIVOS
1.- O pasado 27 de xaneiro un forte tornado azoutou a cidade da Habana (Cuba) causando cuantiosos danos materiais e persoais. Polo menos 6 mortos, 172 feridos e 3.780 vivendas afectadas (das que 372 son derrubes totais e 518 parciais) son, polo de agora, o balance da catástrofe acaecida.
2.- No Hospital Materno Hijas de Galicia –así chamado popularmente aínda que oficialmente o seu nome sexa Hospital Materno Infantil Diez de Octubre- situado no concello habaneiro de 10 de Outubro, houbo que evacuar á totalidade do persoal, das nais e dos nenos residentes, ante os graves danos sufridos nas instalacións con caída de teitos, rotura de portas e ventas, derrube de paredes e outros.
3.- A sociedade Hijas de Galicia naceu en 1917 para defender, apoiar e asistir ás mulleres galegas que estaban en situación de desamparo e marxinación. Chegou a contar con 58.000 asociadas e en 1924 construíu un Hospital e un Balneario na Praia de Miramar para repouso de enfermos e lugar de ocio. Nos períodos 1942-1944 e 1946-1949, tivo como presidente a Antonio Bouso, un emigrante de Riotorto que contou na directiva con outros dous riotortenses, José e Andrés Bargueiras. O Hospital Materno Hijas de Galicia, hoxe en mans do goberno cubano, segue no mesmo lugar como un monumento posto en pé á solidariedade que exerceron os galegos polo mundo.
4.- A edición deste ano de 2019 da festa de Ribadeo Indiano dedícase a Cuba. Unha fermosa celebración coa que os ribadenses poñemos en valor o noso rico legado emigrante e celebramos valores como a integración, a solidariedade, a concordia e a interculturalidade. Unha festa que quere contribuír non só a que os países que acolleron aos nosos emigrantes non sexan só os lugares onde repousa boa parte da memoria de Galicia senón tamén, e sobre todo, territorios de futuro, prósperos e útiles para todos a través do mutuo intercambio e do coñecemento mutuo.
Polas anteditas razóns, os Grupos Municipais do Partido Popular de Ribadeo (PPdG), Grupo mixto e Partido Socialista de Galicia-PSOE someten á consideración do Pleno da Corporación Municipal de Ribadeo esta moción para que se adopten os seguintes.
ACORDOS:
• Que esta edición do Ribadeo Indiano inclúa, nas datas da celebración da festa no mes de xullo ou de meses anteriores, unha serie de proxectos e actividades –que poden ser, entre outras, concertos, mercados solidarios, poxas de arte, apertura dunha conta corrente para recadar donativos, accións concretas nas distintas parroquias e en medios de comunicación, etc. etc._ tendentes a solicitar axudas económicas para contribuír a restaurar, total ou parcialmente, o Hospital Materno Hijas de Galicia da Habana, en Cuba. Sería un pequeno xeito de devolver tanta solidariedade e tanto apoio como brindou Cuba, e o pobo cubano, aos emigrantes galegos e, particularmente, ás mulleres emigrantes galegas.
• Instar ao Alcalde-Presidente e ao goberno do Concello de Ribadeo a que se dirixan ás autoridades cubanas ou ás súas delegacións, embaixadas ou consulados en España para que informen sobre a forma de canalizar debidamente as axudas que eventualmente poidan acadarse de xeito que cumpran, de modo estrito e rigoroso, coa legalidade vixente no noso ordenamento xurídico e, en particular, coa Lei de Bases de Réxime Local que rexe a vida e as accións dos nosos concellos.
• Instar ao Alcalde e ao goberno de Ribadeo a que faga un chamamento á sociedade galega e ás súas institucións (asociacións e entidades sectoriais, organismos públicos como a Xunta de Galicia, Deputacións, concellos, etc.) para que se sumen a esta iniciativa solidaria e fagan as súas aportacións a través das contas e mecanismos que habilite Ribadeo Indiano.
Asinado: Jesús López Penabad (Portavoz do Grupo Municipal do Partido Popular de Ribadeo, PPdG)
Asinado: Marta María Saíz García (Portavoz do Grupo Mixto)
Asinado:Aurora González Ginzo (Portavoz do Grupo Municipal Socialista)
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
