Barreiros, 19 de febreiro de 2019.-A Xunta de Galicia organizou, en colaboración coa Asociación de Hostalería de Barreiros, unha xornada informativa sobre as axudas que convoca a administración autonómica para emprendedores, autónomos e pequenas e medianas empresas (pemes), con especial fincapé nas orientadas a incentivar a mellora de aloxamentos turísticos que xa se están poñendo en marcha.
O delegado territorial da Xunta en Lugo, José Manuel Balseiro, sinalou que esta sesión informativa “servirá de guía para que as persoas interesadas poidan coñecer as distintas liñas de axudas promovidas por Turismo de Galicia, o Instituto Galego de Promoción Económica, a consellería de Emprego ou o Grupo de Desenvolvemento Rural. En definitiva, apoios que o Goberno galego porá en marcha ou están en prazo de solicitude para realizar inversións, obras, gañar en liquidez, contratar persoal e consolidar un proxecto de negocio”.
Balseiro fixo especial referencia ao sector turístico e animou aos empresarios do ramo a informarse sobre a posibilidade de adherirse a algún dos distintos programas de apoio que na actualidade teñen aberto o seu prazo de convocatoria, e que nalgúns casos poden chegar a financiar máis do 70% do investimento previsto.
Balseiro e a xestora da asociación de hostaleiros de Barreiros, Tamara Rubiños, presidiron a xornada na que técnicos de diferentes áreas explicaron as liñas de apoio que impulsan, entre outros, o Instituto Galego de Promoción Económica (Igape); a Consellería de Cultura e Turismo e a Consellería de Economía, Emprego e Industria.
Plan MAT
Neste momento, dentro do denominado como plan MAT, de Mellora de Aloxamentos Turísticos, están abertas as dúas primeiras ordes de subvencións, dotadas con 4 millóns de euros.
Por unha banda, o Igape impulsa o programa Reforma TUR 2019, para facilitar a mellora e modernización de servizos de hoteis, hoteis balneario e hoteis talaso cun máximo de 40 prazas, así como instalacións de turismo rural e albergues privados situados no Camiño de Santiago. Este programa permitirá aos propietarios rebaixar á metade os gastos de compra de materiais para a execución de reformas, ao achegar axudas que cobren o 25% e sumar outro desconto do 25% a facer polas empresas adheridas ao programa.
As axudas públicas poderán acadar os 25.000 euros por titular e establecemento. Os prazos para a presentación de solicitudes de axuda están abertos para as entidades colaboradoras desde o 29 de xaneiro e ata o 28 de marzo, mentres que os locais hoteleiros disporán desde o 28 de febreiro ata o 30 de abril para a presentación.
Actuacións de mellora de infraestrutura hoteleira
Pola súa parte, a Consellería de Cultura e Turismo ten aberta a orde de subvencións para actuacións de mellora das infraestruturas dos establecementos turísticos de aloxamento regrado da Comunidade, que poderá cubrir investimentos dirixidos a mellorar a accesibilidade; obras para optimizar as instalacións coa finalidade de obter certificacións de calidade; actuacións para incrementar a clasificación do establecemento ou para mellorar a súa eficiencia enerxética, entre outras.
O investimento neto admitido por cada proposta será de ata 100.000 euros. Os proxectos poderán acadar unha subvención de ata o 35% sobre o orzamento do investimento subvencionable. Polo tanto, o importe máximo da axuda a cada entidade beneficiaria será así de 35.000 euros. O prazo de presentación de solicitudes está aberto ata o 28 de febreiro.
Outras ordes de axudas da Consellería de Economía, Emprego e Industria de interese para o sector que se abordaron na xuntanza foron a de promoción do emprego autónomo para empresas de nova creación; a de contratación indefinida de persoas asalariadas e a de consolidación de proxectos empresariais.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
