Ribadeo, 22 de marzo de 2019. Os gañadores do IX Concurso de Fotografía do Día do Pai, que convocou Acisa, xa recolleron os seus premios. Alberto González, Paula Rubiera e Tatiana Pérez dispoñen de dous meses para gastar os vales de compra recibidos nos establecementos asociados a Acisa.
Por el mismo patrón, de Alberto González foi a foto elixida polo xurado como a mellor presentada ao IX Concurso do Día do Pai. O afortunado recibiu 150 euros en vales de compra. Máis de tres xeracións nunha soa imaxe, de Paula Rubiera foi para o xurado a segunda mellor imaxe, que levou 100 euros en vales de compra como agasallo. E Descansando con papá, de Tatiana Pérez, foi a foto elixida como a mellor polo público. A afortunada recibiu 150 euros en vales de compra.
O IX Concurso de Fotografía do Día do Pai desenvolveuse no facebook de Acisa.
Novos asociados
A Asociación de Comerciantes, Industriais, Servizos e Autónomos de Ribadeo dálles á benvida aos catro negocios que nos últimos días decidiron asociarse e formar parte deste colectivo empresarial. Son: PVI Seguros, Siñeiro Hogar, Gasolinera Valcárcel e Bar Madison. Desde a directiva de Acisa agardan que “nas vindeiras semanas se sigan a producir novas altas, porque son varias as firmas que nos pediron información e documentación para converterse en novos asociados e asociadas”. E subliñan que “cantos máis sexamos máis cousas poderemos conseguir e máis campañas poderemos organizar que redunden en beneficio do comercio, da hostalería, dos autónomos e dos servizos e tamén en beneficio de Ribadeo, porque iso será positivo para todos e todas”.
A Pancha de Ribadeo
Desde Acisa lembran que dentro duns días dará comezo a campaña da moeda local de Ribadeo, a campaña das Panchas. Todos aqueles establecementos asociados que queiran participar deben inscribirse antes do vindeiro 3 de abril. A directiva indica que “temos a disposición das nosas asociadas e asociados ao noso xerente para que acuda a visitalos e a resolver todas as dúbidas que poidan ter sobre o desenvolvemento desta importante campaña, que se desenvolverá do 5 de abril ao 5 de maio. Para participar hai que inscribirse xa”. Os clientes do comercio local poderán cambiar os seus 30 euros por 40 panchas na oficina de ABanca, en Ribadeo, a partir do 4 de abril.
XXIII Torneo Concello de Ribadeo de Ximnasia Rítmica
A Asociación de Comerciantes, Industriais, Servizos e Autónomos valora de xeito moi positivo “a repercusión que terá na economía local a celebración mañá, 23 de marzo, do XXIII Torneo Concello de Ribadeo de Ximnasia Rítmica, que reunirá na localidade a 800 deportistas, que estarán acompañadas polos seus adestradores e polas súas familias. Máis de 2.000 persoas se darán cita esta fin de semana en Ribadeo, visitas que se deixarán sentir tanto na hostalería como no comercio. De aí que desde Acisa colaboremos coa organización deste evento e participemos coa entrega de varios trofeos”.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
