Viveiro, 26 de marzo de 2019.- Veciños e persoal do centro de saúde e PAC de Viveiro concentráronse outro martes máis diante do edificio para esixir solucións a Xunta de Galicia ante a precaria situación da atención primaria no municipio mariñán. A Vicesecretaria e Alcaldesa de Viveiro, María Loureiro García, acompañada do compañeiros do goberno e do partido, participaron na manifestación e reclamaron ao goberno galego do PP “que deixe de mirar cara outra lado e atenda dunha vez as demandas dos máis de 15.000 veciños de Viveiro”.
Loureiro García explicou que “os viveirenses levamos máis de 3 meses concentrándonos todos as semanas para que a Xunta de Galicia de Feijóo escoite as nosas reclamacións. Non imos quedarnos quietos. Dende o Concello seguiremos loitando para que se cubran as necesidades dos nosos veciños, defendendo unha sanidade pública, gratuíta e de calidade. Xa nos suprimiron a área sanitaria e agora, pouco a pouco, están desmantelando a atención primaria. ¿Esta é a atención primaria adecuada ao século XXI que di a Consellería de sanidade que quere ofrecer?. O único que está conseguindo o Partido Popular é que a xente do rural viva peor porque teñen menos servizos debido aos continuos recortes”.
Listas de espera de ata 7 días
A rexedora socialista censurou que a Xunta de Galicia non cubre as baixas xustificadas dos profesionais, “provocando que os veciños queden moitas veces sen ser atendidos. Isto non o podemos permitir. Están xogando coa saúde das persoas. A semana pasada estivemos sen unha médico polas mañás e esta semana igual”. Neste eido, a socialista explicou que os veciños chegan a agardar ata 7 días por unha consulta polo feito de non cubrir as baixas médicas. Ademais os facultativos vense na obriga de traballar máis horas das establecidas e de atender a unha media de 50 persoas diarias pola falta de persoal sanitario.
2 médicos menos en urxencias
O Punto de Atención Continuada (PAC) leva meses sen 2 médicos porque os profesionais están en folga con servizos mínimos. Non hai facultativos suficientes para atender aos veciños de Viveiro, O Vicedo e Ourol, ao ser este o PAC de referencia destes Concellos.
Pasaron de 2 pediatras a 1 e ás veces ningún
Os veciños de Viveiro, O Vicedo e Ourol tamén ven como unha prestación básica como a pediatría vese afectada pola pasividade do goberno galego do PP. “Unhas 2.000 familias pasaron de ter 2 especialistas a ter tan só 1 e algunhas veces ningún, como sucedeu a pasada ponte. Todo isto nun servizo no que é fundamental facer un seguimento continuo para atender con todas as garantías á poboación infantil” denunciou Loureiro.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
