Burela a 26 de marzo de 2018. A EOXI de Lugo-Cervo-Monforte de Lemos tiña subscrito un concerto para a realización de tratamentos de rehabilitación coa empresa Fisioterapia Lugo S.L., un acordo que foi rachado deixando a centos de mariñaos e mariñás sen asistencia.
Segundo os datos facilitados polo SERGAS a situación na Mariña pola ruptura do acordo coa privada é a seguinte:
Logopedia:
Área Mariña : 42 pacientes.
Fisioterapia:
Área da Mariña:
Non hai pacientes en lista de espera agudos/preferentes remitidos ó centro concertado.
Pacientes crónicos: 836 pacientes
Por mor dunha pregunta con resposta escrita da deputada do BNG por Lugo, Olalla Rodil o SERGAS afirma: en data 24 de decembro de 2018 o administrador da empresa Fisioterapia Lugo S.L. remite escrito á Xerencia da EOXI no que di ‘….vémonos na obrigación de non continuar coa relación que mantiñamos coa EOXI de Lugo, deixando de atender aos pacientes que foron derivados aos nosos diferentes centros a partir do día 1 de xaneiro de 2019.. ’
Dende o SERGAS sinalan que a empresa no escrito que remitiu á Xerencia di ’ …En calquera caso todos os pacientes que están a ser atendidos na actualidade continuarano sendo ata a finalización dos seus tratamentos… ’.
Polo tanto as actuacións a levar a cabo non son para a reanudación de tratamentos senón para o inicio dos pendentes e a resolución da lista de espera, afirma o SERGAS, algo que se contradí, explican dende o sindicato nacionalista, coas denuncias de nais e pais que denuncian que as súas crianzas quedaron co tratamento de logopedia interrompido, e nalgúns casos con 12 e 20 sesións pendentes, e que a día de hoxe continúan agardando.
LOGOPEDIA E FISIOTERAPIA NA CARTEIRA PÚBLICA DE PRESTACIÓNS E SERVIZOS DA MARIÑA.
“Por todo o anterior e ante as denuncias de nais e pais de que as súas fillas e fillos viron suspendido o tratamento con sesións pendentes e a día de hoxe non foron chamadas, sendo chamadas só persoas para iniciar tratamento, exiximos ao SERGAS que clarifique esta grave situación”, explican.
Ao mesmo tempo CIG Saúde rexeita a proposta que fixo o Sergas, que ofreceu a posibilidade de ir a logopedia a Lugo, pero de luns a venres, e en horario de mañá, provocando desprazamentos innecesarios.
Na Mariña, explican, xa sufrimos as consecuencias de deixar en mans privadas prestacións sanitarias básicas, mais o SERGAS teima en cometer o mesmo erro en vez de apostar por unha fisioterapia e logopedia cen por cen pública.
“Se outros hospitais públicos dispoñen de logopedia na súa carteira de servizos e prestacións cal é o motivo para discriminar aos mariñaos e mariñás? Somos cidadáns de segunda? Son estes os máis e mellores servizos prometidos coa ampliación do noso hospital?”, pregúntanse dende a CIG.
O sindicato nacionalista reclama mais unha vez a posta en marcha dun Plan Urxente e Integral (e non panos quentes) para abordar o abandono da fisioterapia e logopedia e erradicar as listas de espera, un plan que contemple a utilización racional dos recursos do sistema público e abandone as actuais políticas privatizadoras e de destrución da sanidade pública na Mariña, e que dote de persoal (fisioterapeutas e logopedas) e medios materiais o Hospital da Mariña e os Centros de Saúde.
“Deste modo obteriamos un dobre obxectivo: crear emprego de calidade na comarca e prestar un servizo de fisioterapia e logopedia 100% público e de calidade”, conclúen.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
