Ribadeo, 27 de marzo de 2019. O candidato do Partido Popular á Alcaldía de Ribadeo, Daniel Vega, denuncia o absoluto abandono no que se atopa a Casa da Ría, inmoble municipal situado na área recreativa de Santa Cruz que está sen actividade desde hai anos, e propón convertela nun centro de educación ambiental.
Daniel Vega explica que “na Casa da Ría chove dentro igual que nunha cesta rota. Esta frase foi pronunciada polo ex concelleiro Horacio Cupeiro e acredita unha realidade: doce anos de abandono, doce anos sen proxecto para a Casa da Ría. O señor Suárez deulle as costas á política de educación ambiental porque a Casa da Ría foi construída na etapa do Partido Popular e tiña unha vocación, a defensa e o traballo sistemático pola educación ambiental. As visitas dos colexios e do alumnado das universidades e tamén volver a esa época onde o profesorado viña á Casa da Ría a formarse en educación ambiental con cursos homologados pola Consellería de Educación é traballar, isto é defender un edificio municipal que foi construído con diñeiro público”.
Vega engade que “abandonar outro edificio municipal é faltarlle ao respecto aos ribadenses porque foi construído con diñeiro público. Polo tanto o señor Suárez demostra un desprezo sistematicamente polos ribadenses, porque non se pode permitir que un edificio que foi construído con diñeiro público estea hoxe abandonado. Nós imos volver a utilizar ese telescopio que nos permite acoller observacións astronómicas. Isto é ter uns obxectivos claros, ter gañas de traballar e ter unha vocación de servizo claro. Polo tanto dende o Partido Popular dicimos con claridade que imos pasar dun abandono da Casa da Ría a volver poñer de manifesto que é unha das máis importantes da provincia de Lugo e volver defender a educación ambiental desde a Casa da Ría”.
O candidato do PP á alcaldía de Ribadeo, Daniel Vega, denuncia o absoluto abandono da Casa da Ría e propón convertela nun centro de educación ambiental
Relacionado
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
