Lugo, venres 26 de abril 2019. Os candidatos ao Congreso dos Deputados de Ciudadanos pola provincia de Lugo, José Manuel Blanco e o doutor mariñao Francisco Pintado, número dous da lista, denunciaron esta mañán a “falta de comromiso do Goberno de Pedro Sánchez coa factoría de Alcoa en San Cibrao”.
José Manuel Blanco afirmou que coa decisión de non aprobar en Consello de Ministros medidas para garantir a viabilidade da factoría “quedou en evidencia que tanto o PP como agora o PSOE deixaron tirados aos traballadores de Alcoa e ás súas familias”.
“Alcoa representa o buque insignia da industria na comarca da Mariña e en toda a provincia de Lugo e 6.000 familias dependen dun ou doutro xeito da factoría de San Cibrao para asegurar o seu medio de vida”, asegurou o candidato de Ciudadanos, que lembrou que foi o único dos aspirantes ao Congreso pola provincia de Lugo de todos os partidos políticos que viaxou a Madrid en autobús cos traballadores de Alcoa para expoñer as súas reivindicacións.
“O meu compromiso coa permanencia de Alcoa na comarca da Mariña xa foi demostrado en numerosas ocasións, indo moito mais alá da política. A miña primeira reunión nada máis ser nomeado candidato ao Congreso dos Deputados foi con Alcoa o 22 de marzo para coñecer os seus problemas, tamén viaxei en autobús cos traballadores hasta Madrid para participar na manifestación do día 28. Nesta viaxe reunímonos co Grupo Parlamentario de Ciudadanos no Congreso, onde o noso partido deu medidas concretas que poderían conseguir que Alcoa non teña que pechar as súas plantas en San Cibrao e na Coruña e o 9 de abril eu e Paco Pintado entregamos en man ao Comité de Empresa da fábrica un documento asinado con 4 medidas concretas para garantir a viabilidade e futuro da planta”, lembrou José Manuel Blanco.
Alcoa anunciou o mes pasado as dificultades polas que están pasando, ao perder 9 millóns de euros mensuais, dos que o 40% son provocados polo elevado prezo da luz. Esta situación podería provocar o peche da súa planta da Mariña, na que traballan 1700 persoas e representa un terzo do PIB da provincia, “polo que non podemos permitir o seu peche”, opinou o candidato.
O enorme prezo da luz que teñen que pagar fai que perdan competitividade en relación ao mercado dos outros países e “o Goberno socialista acaba de demostrar que non vai solucionar este problema. Ciudadanos dará certidume e medidas concretas para solucionar o problema de empresas industriais electrointensivas e ‘hiper-electrointensivas'”, afirmou José Manuel Blanco.
“Necesitamos un Goberno que loite pola industria española e por todos os traballadores que dependen dela, escoitando as súas necesidades e tratando de darlles solución, xa que a industria é un asunto estratéxico de Estado” aseverou o candidato.
As medidas de Ciudadanos para intentar que Alcoa continúe en San Cibrao son:
Fomentar os contratos bilaterais de entrega da enerxía eléctrica (coñecidos como PPA) a través de eximir ós xeradores de enerxía eléctrica do imposto de xeneración de maneira permanente (e non transitoria) e ós compradores do imposto sobre a electricidade para este tipo de transacións, valorando a inversión do ICO como axente que garantice a transacción neste tipo de contratos.
Dar certidumbre ó disposto no Artigo 9. Compensación de custos indirectos por emisións de gases de efecto invernadeiro do Proxecto de Real Decreto polo que se regula o Estatuto o Consumidores Electrointensivos que as empresas industriais tanto precisan nun contexto de competencia global como o actual.
Impulsar o marco lexislativo e dispositivo estatal e europeo para que permita a implantación de redes enerxéticas pechadas, tal como prevé a Directiva Europea 2009/72/CE.
Desenvolver a futura Lei do Cambio Climático e Transición Enerxética de consolidar un mix enerxético que responda de maneira integral aos obxectivos de sostenibilidad medioambiental, seguridade de suministro e competitividade de custos así como a revisión profunda dos custos do sistema eléctrico que no estén relacionados directamente co suministro eléctrico e que supoñen mais da metade da factura
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
