Vilalba. Foto de familia de los 67 alcaldables del Partido Popular en la Provincia de Lugo.
Vilalba, 4 maio, 2019. “Temos 67 proxectos e un proxecto de provincia. Nese sentido traballaremos dende o PP lucense con responsabilidade, humildade e moita cercanía en beneficio dos nosos veciños e veciñas. Cremos firmemente que a renovación e a experiencia farán do PP un proxecto de éxito para todos os lucenses”. Así o puxo de relevo a presidenta provincial do Partido Popular, Elena Candia, no acto de presentación dos 67 alcaldables populares que se celebrou esta tarde na Praza da Constitución de Vilalba co busto de Manuel Fraga como telón de fondo.
“Estamos en Vilalba porque é o lugar natal de Fraga. Por iso, para o Partido Popular vir a Vilalba é como volver á casa, á casa do seu fundador, da persoa que sentou as bases do que hoxe somos. E agora volvemos de novo mirar cara a el e tamén convidamos a toda a xente que se decidiu por outras opcións políticas a que volva de novo á súa casa, ao Partido Popular”.
Candia recordou, así mesmo, as palabras de Fraga: “non hai nada fácil en política. Moita xente cre que se pode improvisar, pero non se pode improvisar. Hai que ter moi pensado a onde se quere ir”. Nese sentido, a dirixente dos populares defendeu os 67 proxectos para outros tantos municipios da provincia entre os que 29 contarán cun novo nome como cabeza da lista con respecto ás anteriores eleccións municipais, o que supón unha renovación do 43,3% dos candidatos e candidatas.
A dirixente popular agradeceu a todos “o compromiso” co Partido, xa que “moitas veces non é sinxelo dar este paso, no caso dos que se estrean, ou continuar, naqueles outros, nos que xa levan décadas á fronte dos Consistorios”.
Con estas circunstancias, o Partido Popular aposta “pola xuventude e pola veteranía”, pois só así, engadiu a presidenta, “se poden facer ben as cousas. Coa experiencia dos máis antigos e o aire fresco dos máis novos, estou convencida de que o resultado será positivo”, enfatizou.
A formación acode a este proceso electoral coa “máxima ilusión e responsabilidade”. “Confío en que se poidan manter os gobernos existentes e gañar outros” porque na súa opinión, “os cidadáns saben que somos a única forza que goberna con estabilidade; a única forza centrada no rural, na economía, nas empresas, no emprego e en cumprir o que di. Non hai máis que ver que ao PSOE nacional lle bastaron dous días para voltar enganar aos españois, subíndonos os impostos que pagamos todos”, subliñou.
“Equipos gañadores” e presenza feminina
Neste senso, a presidenta destacou “o intenso” labor que o Partido levou a cabo durante os últimos meses para “deseñar equipos gañadores”. Detrás destes 67 candidatos hai moitas persoas que os acompañan nas respectivas listas chegando a sumar arredor de 1.000 en toda a provincia.
Asemade, destacou o feito de que “cada vez somos máis as mulleres que damos un paso á fronte”. E é que desta volta, ademais de Mondoñedo, Folgoso do Courel, Triacastela e Rábade; as listas de Guntín, Monforte de Lemos, Muras, Negueira de Muñiz e O Páramo tamén están capitaneadas por mulleres. “Sen lugar a dúbidas, claro que podiamos ser moitas máis; pero, non obstante, si que creo que sumar outros Concellos é, cando menos, un avance e un dato positivo”, remarcou.
Representación en todos os Concellos
Deste xeito, o Partido Popular, “tal e como fixo sempre”, presenta candidaturas nos 67 municipios da provincia. Son un total de 29 os municipios que ven renovados os seus cabezas de cartel: Alfoz, Burela, Castroverde, Cervantes, O Corgo, Chantada, A Fonsagrada, Guntín, O Incio, Lourenzá, Lugo, Meira, Monforte de Lemos, Monterroso, Muras, Negueira de Muñiz, Ourol, O Páramo, A Pastoriza, Pedrafita do Cebreiro, Pol, Ribadeo, Ribeira de Piquín, Samos, O Saviñao, Trabada, Vilalba, Viveiro e Xermade.
Pola súa banda, os 38 nos que se mantén o candidato son: Abadín, Antas de Ulla, Baleira, Baralla, Barreiros, Becerreá, Begonte, Bóveda, Carballedo, Castro de Rei, Cervo, Cospeito, Folgoso do Courel, Foz, Friol, Guitiriz, Láncara, Mondoñedo, Navia de Suarna, As Nogais, Outeiro de Rei, Pantón, Palas de Rei, Paradela, Pobra de Brollón, A Pontenova, Portomarín, Quiroga, Rábade, Ribas de Sil, Riotorto, Sarria, Sober, Taboada, Triacastela, O Valadouro, O Vicedo e Xove.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
