Burela 11-5-19. O Pescados Rubén Burela FS pechou o último derbi galego da liga con 2-0, resolvendo en menos dun minuto ante Ourense Envialia FSF, roldando o ecuador da primeira parte, con goles de Dany e Cami. As Guerreiras Laranxas durmirán líderes de Primeira RFEF Liga Foro 16 Feminismo, con 75 puntos, á espera do desenlace de mañá de Poio Pescamar-Futsi Atlético Navalcarnero (12.30 horas).
Logo duns compases iniciais con máis dominio das ourensás, as burelistas asumiron o peso do encontro; no minuto 6, por partida dobre, Bea Mateos e Peque protagonizaron o primeiro aviso. O Pescados Rubén conseguiu encamiñar o partido en menos dun minuto, con Dany ao segundo pau de Peque, e Cami, nunha incursión de Dany cedida a Bea Mateos; restaban 45 segundos para a medianía do primeiro acto. Baixou entón Ourense a liña de presión para xerar e atopar a rede local. Con catro minutos para o descanso, as laranxas tiveron que facer fronte á acumulación de faltas e así, no 18, Bea Mateos enfundouse na camiseta de porteira xogadora para asfixiar as de Morenín; Idoya e Vane, mantiveron o 2-0 na recta final, con moito sufrimento para as visitantes.
O Ourense volveu ao parqué coas ideas claras, oportunidades e perigo. Antes do 22 xa tiveran dúas contras e Sara Moreno protagonizara outras dúas, a primeira desartellada polo largueiro e outra freada por Jozi. No minuto 27 subiu a quinta falta para as de Julio Delgado e apostaron de novo por Bea Mateos con xogo de cinco. Jenny, primeiro, e Dany, no rexeite, puxeron a proba a Vane. O Ourense, no 30, tamén optou por porteira xogadora, sen poñer en demasiados apertos ás da Mariña. Sara Moreno sacou baixo paus o terceiro laranxa, no 32, nunha gran parede entre Cilene e Peque. As burelistas intentárono ata a extenuación pero o electrónico mantívose no 2-0.
Ficha técnica
Pescados Rubén Burela FS: Jozi, Dany, Cilene, Cami, Popó, cinco inicial; tamén xogaron Peque, Luci, Lara Balseiro, Bea Mateos, Jenny
Ourense Envialia FSF: Vane, Chiky, Lau Doce, Marta, Sara Moreno, cinco inicial; tamén xogaron Candela, Bea Seijas, María, Idoya, Vera
Goles: 1-0, minuto 9, Dany; 2-0, minuto 10, Cami
Árbitros: Martínez Torres // Ferrero Carballal. Por Burela amarela a Luci (minuto 26). Por Ourense amarela a Sara Moreno (minuto 35), Vane
Incidencias: Partido correspondente á xornada 27 de Primeira RFEF Liga Foro 16 Feminismo disputado en Vista Alegre con preto de 500 persoas. As Guerreiras Laranxas brindaron o recente título de XIII Copa Galicia á afección da Bomboneira, con corredor das subcampioas, as ourensás.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.