Xove 15-5-19. As prácticas antidemocráticas sucédense por parte dos populares xovenses. Onte foi a enésima. Trátase da frase irrespectuosa que imprimiron nun abridor de cervexa e que están a repartir polos domicilios do municipio. Na lenda pódese ler: “Que non te Bloqueen”, en clara referencia ao seu rival político.
“A ausencia de educación nos populares contrasta coas nosas boas maneiras”, declarou Xosé Hermida. O alcaldable nacionalista salientou que moita xente xa non se sinte representada polo Partido Popular xovense, e que os veciños lles están a trasladar a súa desafección co Goberno local debido, entre outras razóns, “a este tipo de comportamentos maleducados que non levan a ningures”.
Segundo Hermida, este último feito non está a ser unha excepción. Nas pasadas Eleccións Xerais os carteis electorais do Bloque Nacionalista Galego tiveron que ser repostos en dúas ocasións despois de que uns desvergonzados os romperan. Así mesmo, ao longo desta semana, persoas afíns ao PP presentaron denuncias falsas ante Facebook para que a páxina do BNG de Xove fora cancelada por “contido inadecuado”, igual que se estiveran a publicar pornografía, “cando o único que facemos é espir as falsidades do PP e explicar as nosas propostas do programa electoral”, explicou o alcaldable. “A verdadeira razón desta falta de fair play dos populares débese á repercusión que están a ter as publicacións da candidatura do BNG de Xove nesa rede social, ao igual ca en Instagram”, sentenciou Xosé Hermida.
Dende a formación nacionalista sinalaron que a actitude do PP local está a desprestixiar a institución que representa a toda a veciñanza: o Concello de Xove, “e todo por incumprir as regras máis elementais da ética política”. Marco López defendeu a nobreza do traballo do BNG no seu exercicio de oposición ao Goberno do PP, levando adiante un traballo que a cidadanía está sabendo ver e recoñecer. “Traballamos como unha forza con vocación de goberno”, declarou o portavoz do Grupo Municipal Nacionalista, “estudando a diario as medidas políticas que se poden levar a cabo para conseguir unha solución eficiente aos problemas reais do municipio, e así habemos seguir”.
Marco López finalizou manifestando que, “cando a sociedade pide explicacións aos xestores dos bens públicos, hai que dalas e non fuxir cara adiante”. Segundo o portavoz municipal “o Concello de Xove debería ser algo máis ca unha comisión de festas”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
