Burela 14-6-19. Máis de 150 pequenos deportistas dende os 3 anos participaron na clausura do curso 2018-19 da ED Pescados Rubén, acollido no auditorio da casa de cultura de Burela. O acto, presentado polo director da escola, Alfonso Mera, contou coa presenza do alcalde, Alfredo Llano García, e o concelleiro de Deportes, Ramiro Fernández Rey, xunto ao presidente da Familia Laranxa, Manuel Blanco Fanego, e os vicepresidentes, Cesarina Fanego Mon e José Luis Sáez Castro, ademais do secretario, José Ángel Dovale Gradaílle, e o fundador de Pescados Rubén SL, Rubén Blanco Fernández.
Iago Míguez e Lucho, ademais das Guerreiras Laranxas Jozi, Alves e Dany, tamén quixeron acompañar as nosas pequenas xoias nesta despedida de curso, que contou ademais cos dous convidados de luxo, o secretario do CNFS da RFEF, Paco Sedano, e da seleccionadora nacional de Fútbol Sala Feminino, Claudia Pons.
Xunto a cadanseu diploma, os/as alumnos/as recibiron tamén un chaveiro personalizado.
Todas as categorías, entre Prebenxamín e Xuvenil, agás Biberón continuará adestrando ata finais de mes para recibir o descanso estival co Memorial Heroes do Orzán (A Mariña, 26-30 de xuño) de Imdecum.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
