Viveiro, 15 de xuño de 2019. A Alcaldesa de Viveiro, María Loureiro, tomou este sábado posesión para seguir sendo a rexedora do Concello. Fíxoo tras ser a forza máis votada, con máis do 45% do escrutinio, un total de 3.781 votos. Estes resultados permiten ao PSOE acadar 8 Concelleiros dos 17 que compoñen o consistorio.
María Loureiro agradeceu o apoio e confianza dos veciños “que co seu voto, premiaron o esforzo realizado neste mandato, dándonos máis alento para seguir traballando por e para Viveiro, gobernando para todos os viveirenses”. A rexedora explicou que “dende o Goberno imos dialogar para chegar ao consenso, como vimos facendo actualmente, naqueles asuntos importantes para o Concello, buscando sempre o acordo e implicación de todos os grupos”
“Hoxe é o inicio dunha nova etapa na que toca continuar o labor iniciado hai 4 anos. Unha nova lexislatura que asumimos coa mesma ilusión e compromiso por traballar en beneficio dos veciños de Viveiro. Durante este tempo, o Concello mellorou notablemente, pero somos conscientes de que aínda quedan cousas por facer como o PXOM, a Vía de Altas Prestacións da Costa Norte ou o saneamento da ría, proxectos que seguiremos reclamando ás administracións que corresponda”.
“Continuaremos coa transformación iniciada, no camiño do progreso e do futuro, pero sempre pensando no saneamento das arcas municipais”. Neste senso, a Alcaldesa de Viveiro lembrou que o Goberno Municipal reduciu a débeda do Concello en 4 millóns de euros e que a súa intención é “seguir nesta liña, sen deixar de achegar novos investimentos para mellorar as prestacións públicas”.
María Loureiro destacou que “o noso programa para os vindeiros anos inclúe 120 propostas: proxectos, actuacións e melloras reais que cumpriremos con compromiso, humildade e capacidade de traballo. Nalgúns casos supón a continuidade e mellora de servizos xa existentes, noutros o impulso á áreas estratéxicas como o turismo, o emprego e infraestruturas, así como o deporte, a cultura, o medio ambiente ou iniciativas vinculadas á muller”.
O Goberno Municipal que lidera a Alcaldesa de Viveiro está integrado polos Concelleiros socialistas, Jesús Fernández Fernández, Lara Fernández Fernández-Noriega, Jesús Antonio Fernández Cal, María Soledad Rey Yáñez, César Iglesias Docal e Victoria Baamonde Gómez.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
