Ourol, 15 de xuño de 2019.- O actual Alcalde, José Luis Pajón, tomou posesión este sábado como rexedor do Concello de Ourol. Fíxoo tras acadar a maioría absoluta no consistorio, pasando de 4 a 8 Concelleiros, dos 9 que forman o pleno da corporación, cun 82% do total dos votos nas Eleccións Municipais.
José Luis Pajón agradeceu aos veciños a súa confianza e apoio e destacou que “estes resultados históricos dános máis forza para seguir traballando os próximos 4 anos en prol dos nosos cidadáns. Os veciños de Ourol deixaron claro cos seus votos que queren que continúe o proxecto progresista do PSOE. Manteremos as mesmas prioridades nas nosas políticas, sempre coa atención posta nas persoas que viven no medio rural para que teñan as mesmas oportunidades que o resto de veciños, poñendo en marcha políticas encamiñadas a fixar poboación”.
O Alcalde de Ourol puxo en valor o traballo feito durante estes 4 anos e salientou que no próximo mandato o PSOE ten grandes proxectos en marcha como abrir a residencia e o centro de día no antigo colexio “para que os nosos maiores teñan a mellor atención posible no seu Concello, preto das súas familias e das súas casas”.
José Luis Pajón subliñou que “as portas do Consistorio estarán abertas para calquera veciño” e “aínda que teñamos maioría no Pleno queremos manter unha boa relación coa oposición, á cal escoitaremos e atenderemos sempre”.
O Goberno do PSOE en Ourol que lidera José Luis Pajón estará formado polos Concelleiros socialistas Francisco Ramil Pernas, Ana María Rico Pernas, Victor García Rodríguez, José Ramón Cal García, María Regina Peña Martínez, Manuel Barro Iravedra e Ramón Seijas Orol.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
