Ribadeo, 16 de xullo de 2019. O alcalde, Fernando Suárez, o concelleiro de Desenvolvemento Local, Pablo Vizoso, e o conselleiro de Economía, Emprego e Industria, Francisco Conde, visitaron esta mañá o obradoiro de emprego Ribadeo co Camiño, en Vilela. Alí están estes días, xunto aos monitores e aos participantes no obradoiro, un grupo de nenos e nenas das colonias do verán desenvolvendo diversas actividades.
O rexedor ribadense, Fernando Suárez, manifestou que “recibimos ao conselleiro de Industria para que veña verificar todo o traballo que se estivo facendo ao longo destes últimos meses con este obradoiro, que estivo funcionando moi ben e que está a piques de rematar, igual que funcionou ben o outro que tivemos co arquivo e co rexistro de documentación no Concello”.
O alcalde salientou que “con este obradoiro, desde o punto de vista medioambiental, se foron facendo moitas actividades e moitas accións en diferentes puntos do concello ao mesmo tempo que procurando unha formación moi interesante para a xente en situación de desemprego, que agora vai ter unha formación adicional para un mercado de traballo que se lles abre E que quizais sen este obradoiro non terían tanto acceso”.
Fernando Suárez dixo que “desde o Concello queremos valorar o compromiso que tiveron desde a Xunta con estes obradoiros, que hai que recordar que nunha parte moi importante proveñen de fondos da Unión Europea. Solicitamos, outra vez, outros dous novos obradoiros que confiemos sexamos merecedores de recibilos”.
Alí en Vilela, coa axuda dos nenos e nenas, o conselleiro e o alcalde plantaron un carballo. E despois dirixíronse a Arante para supervisar as obras realizadas tamén polo obradoiro de emprego Ribadeo co Camiño no santuario de Nosa Señora de Arante.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
