Viveiro, 27 de xullo, 2019. O Grupo Municipal do Partido Popular de Viveiro destaca “o esforzo inversor que o Goberno galego mantén co noso municipio e como demostran as achegas de 750.000 euros coa que fan posible a reforma integral do albergue xuvenil Area e tamén de 221.300 euros para a reforma da estación de autobuses”. Estes 971.300 euros, que supoñen preto dun millón de euros, súmanse a outras actuacións da Xunta coma a recente apertura do aparcamento tralo derribo dos galpóns e acondicionamento do peirao vello, tal e como remarca o voceiro, Óscar Rodríguez.
As obras de reforma no albergue céntranse en tres bloques –a fachada, a substitución de cubertas e a reforma interior- que permitirán mellorar a calidade da estancia dos usuarios e incrementar a eficiencia enerxética das instalacións. Entre as actuacións previstas, algunhas xa se viñeron realizando durante este ano -a reparación de gretas e o pintado da fachada exterior, a colocación de portas de ducha ou a substitución do mobiliario ou a reparación da instalación eléctrica- e, a partir de setembro, continuarán as obras para acondicionar o equipamento. O proxecto para a substitución completa da cuberta e dos falsos teitos interiores está en fase de redacción. A reforma está previsto que remate no primeiro semestre de 2020.
En relación á reforma da estación de autobuses, os populares de Viveiro sinalan “a mellora substancial que suporá para os veciños e usuarios do servizo de transporte por autobús a renovación da estación viveirense que permitirá contar cunhas instalacións máis cómodas, eficientes e con máis información sobre horarios, servizos e liñas dispoñibles”.
Concretamente, as actuacións previstas permitirán substituír a cuberta da edificación principal, así coma a aplicación de tratamento anticorrosión aos materiais da cuberta da dársena. Así mesmo, as actuacións inclúen a substitución da porta exterior de acceso dos autobuses á dársena e a colocación dun rótulo informativo no exterior que se completarán con outras no interior que afectarán aos teitos, á substitución de cristais e vidros rotos nas portas, á reparación dos aseos e á instalación de pantallas electrónicas informativas.
Máis investimentos da Xunta en Viveiro
“O compromiso do Goberno que preside Alberto Núñez Feijóo co noso municipio reflíctese tamén noutros investimentos que a Xunta ven de achegar a Viveiro”. Nesta liña, cabe nomear “a recente apertura de máis de 300 prazas de aparcamento no peirao vello coa que a Xunta responde a unha demanda dos veciños e veciñas e tamén do sector comercial viveirense. Co investimento de 124.600 euros foi posible o derrubo das últimas catro naves portuarias sen actividade que quedaban na zona e o acondicionamento da explanada que permite dar un paso máis no proceso de recuperación da fachada marítima de Viveiro coa colaboración da Xunta”, lembra Rodríguez.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
