A Pontenova, 31 de xullo de 2019. O delegado territorial da Xunta en Lugo, José Manuel Balseiro, participou hoxe no acto de clausura e entrega de diplomas aos dezaoito alumnos e alumnas que remataron con aproveitamento o obradoiro de emprego que compartiron os concellos da Pontenova, A Fonsagrada e Negueira de Muñiz. No acto tamén estiveron presentes os alcaldes destes municipios e distintos representantes municipais.
A iniciativa, que contou cunha achega da Consellería de Economía, Emprego e Industria por valor de 288.000 euros, serviu para que o alumando accedera a un posto de traballo durante 9 meses, tempo durante o cal tamén recibiron formación teórica e práctica nas especialidades de albanelaría, urbanización e construción.
Os obradoiros de emprego dan dereito a obter, en caso de rematalos con aproveitamento, o certificado de profesionalidade correspondente, con validez en todo o territorio nacional, que habilita aos seus titulares para o exercicio dunha actividade profesional.
A súa vez os obradoiros serviron para promover obras de interese público. Na Fonsagrada, traballaron no acondicionamento dun local social para o pobo da Pobra de Burón, un inmoble que se atopa en perfectas condicións para realizar xuntanzas veciñais e tamén, na mellora de dúas vivendas sociais para uso de familias con necesidades especiais.
Na Pontenova o obxectivo foi a recuperación da antiga escola unitaria de Xudán, tamén para destinala a local social. Os traballos centráronse na substitución de cuberta e no acondicionamento dos espazos interiores deste inmoble.
Finalmente, en Negueira de Muñiz, o traballo do alumando serviu para recuperar un espazo no núcleo urbano coñecido como Casa dos Cazadores e tamén para reformar o antigo pozo comunitario de Bustelo. Trátanse de zonas cun atractivo estético e natural espectacular que poden ser empregadas ao aire libre como espazos de lecer e esparexemento.
Balseiro destacou a importancia de mellorar a cualificación dos galegos e galegas para favorecer o seu acceso ao mercado laboral e dar resposta, á vez, ás necesidades reais dos principais sectores produtivos da Comunidade. Nesta liña, apuntou que “as estatísticas demostran que o 60% dos participantes logran atopar un emprego nos primeiros seis meses e incluso antes de rematar a súa formación, o que pon en evidencia a utilidade destes obradoiros”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
