Burela, 8 de agosto, 2019. O gardameta polaco Michal Marek Kaluza, outra das novidades laranxas para o regreso á elite, descubrirá o futsal español defendendo o Pescados Rubén Burela FS en 2019-20, xunto a Eduardo Saavedra. “Na miña opinión, esta é a mellor liga do mundo e estou moi feliz por poder formar parte dela. O meu soño sempre foi probar fortuna en España e cando xurdiu a oferta de Burela aproveiteina” explicaba o internacional, de 21 anos, na súa presentación oficial, xunto ao presidente, Manuel Blanco, e o vicepresidente, José Luis Sáez.
“A decisión de trasladarme a Burela foi difícil. No aspecto deportivo, non o dubidei un momento, porque era o meu soño. Pero, doutra banda, tiven que deixar a miña cidade natal, a miña noiva, os meus amigos e a miña familia. Afortunadamente, atopei o apoio dos meus seres queridos e por iso me decidín a dar o salto”, explicaba Kaluza, que chegou a Galicia o pasado 27 de xullo para iniciar a pretempada o 1 de agosto co resto do cadro de Juanma Marrube: “Os meus primeiros días en España foron moi movidos. Coñecín os lugares máis importantes relacionados co club e algúns dos meus compañeiros de equipo e ao adestrador. Todos me recibiron moi ben e podo contar con todos se é preciso; vexo en todos un gran compromiso e unha profesionalidade total. Existe a barreira do idioma, pero todos os días melloramos a comunicación entre nós, con algunhas risas. Intento falar cos meus compañeiros tanto como é posible e preguntarlles sobre varios temas relacionados con Burela e toda a liga. Tamén estudo vocabulario en español para mellorar a miña comunicación co adestrador e o equipo. Espero que sexa cuestión de semanas e sentireime como na casa en Burela” explicaba o polaco, entusiasmado no seu novo fogar.
Dende hai unha semana, Kaluza comparte co resto dos seus compañeiros as dobres sesións de pretempada para estar a punto para o regreso a Primeira LNFS, entre Monte Castelo, A Marosa e Vista Alegre: “Os primeiros adestramentos no período preparatorio foron duros, moita carreira, pero isto é o que toca para prepararse para os partidos de liga o mellor posible” confesaba o meta, procedente do Rekord Bielsko-Biala e recoñecido como un dos mellores porteiros do mundo nos Futsal Umbro Awards 2018, consciente de que ten un gran reto por diante: “Hai moitas diferenzas entre o fútbol sala polaco e español. A cultura e o ritmo do xogo son particularmente notables; cada partido é de alto nivel. O futsal en España é moi espectacular e reúne a moita xente nas bancadas. En Polonia, con todo, é unha disciplina máis humilde e só nalgúns lugares do país ten máis público”.
Kaluza conta as horas para poder estrearse de laranxa: “Os meus obxectivos para esta tempada son aclimatarme o mellor posible ao equipo, aprender máis do fútbol sala, así como demostrar todas as miñas virtudes ao adestrador para xogar tantos minutos como sexa posible”. Con todo antes do 14 de setembro co inicio da liga en Vista Alegre, terá a oportunidade nas citas de pretempada, que darán a saída este sábado, 10 de agosto, en Tapia de Casariego, nun triangular xunto a Atlético Benavente e Boal FS a partir das 19.00 horas.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
