Ribadeo, 8 de agosto de 2019. Este sábado, 10 de agosto, celebrarase o Festival de Bandas de Ribadeo no que participarán a Banda Municipal de Meira e a ribadense. O evento terá lugar no parque San Francisco e previamente haberá un pasarrúas desde o Teatro ata o parque, ás 19:45 horas.
O director da Banda ribadense, David Ballester, explicou que “a Banda Municipal de Música de Ribadeo segue cos seus concertos da tempada de verán e o sábado 10 de agosto terá lugar o Festival de Bandas. Este ano estará a Banda Municipal de Meira máis nosoutros. Empezaremos cun pequeno pasarrúas desde a porta do Teatro ata o parque San Francisco, onde será o festival. Comezaremos ás oito menos cuarto co desfile e ás oito será o Festival de Bandas. En caso de que teñamos a mala sorte de que chova ou faga mal tempo iremos ao auditorio”.
O director da Banda Municipal de Música de Ribadeo convida “á xente á que lle guste a música de banda e queira gozar dese tipo de música a que o sábado 10 de agosto pasen polo parque de San Francisco. Por parte da Banda Municipal de Ribadeo todas as obras que se van interpretar neste festival de bandas son de estrea, é a primeira vez que as tocaremos. Así que convidar a toda a xente a que veña gozar delas”.
Este sábado, 10 de agosto, celebrarase o Festival de Bandas de Ribadeo
Relacionado
-
Ribadeo acollerá a presentación de Hostelería #PorElClima, iniciativa para reducir a pegada de carbono no sector
-
Portos de Galicia investirá 80.000 euros na renovación da cuberta dos departamentos de armadores de Burela
-
Veciños da Avenida de América de Ribadeo crean un colectivo para defender os seus dereitos ante as obras do Concello
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
