Ribadeo, 27 de agosto de 2019. O alcalde en funcións de Ribadeo, Pablo Vizoso, insitiu hoxe en que a auga da traída segue a ser apta para o consumo segundo as analíticas realizadas por Viaqua, tras o vertido de xurro que se producía o pasado domingo en Vegadeo (Asturias) e que chegaba ao río Eo. O Concello está en contacto tanto coa Confederación Hidrográfica do Cantábrico como coas Consellerías de Sanidade e do Mar. Mañá, mércores, está previsto que se realicen analíticas extraordinarias nas praias dos Bloques e do Cargadeiro, situadas en plena ría, e haberá outras ordinarias arredor do 1 de setembro. De momento o Concello segue a recomendar que a xente non se bañe estes días neses areais, como medida de precaución.
Vizoso dixo que “desde o Concello queremos seguir transmitindo tranquilidade á poboación de Ribadeo. Queremos informar que estamos en contacto tanto con Viaqua como con outras administracións e organismos que teñen competencias nesta materia. Concretamente Viaqua síguenos informando de que a zona de captación de Vilarbetote non se viu afectada nin comprometida en ningún momento, xa que está situada augas arriba do lugar do vertido e que as análises diarias seguen mostrando valores dentro dos parámetros aptos para o consumo”.
O rexedor en funcións contou que “a Confederación Hidrográfica do Cantábrico xa nos confirmou que está limpando o río Ouría e retirando espumas e restos dese vertido e que iniciaron un programa de mostreos periódicos tanto no Ouría como no Eo, aínda que de momento non se coñecen os resultados desas análises”.
Vizoso sinalou que “nos puxemos en contacto novamente coa Consellería de Sanidade, que nos confirmou que mañá realizarán as mostras nas praias dos Bloques e do Cargadeiro e por precaución, simplemente por precaución, mantemos a recomendación de non utilizar esas praias, non usalas para o baño, e agardaremos a dispoñer dos resultados de dúas analíticas, a extraordinaria de mañá e outra ordinaria, que contamos que se realice sobre o 1 de setembro, a non ser que antes dispoñamos de información que nos recomende cambiar estas medidas. Contactamos tamén coa Consellería do Mar, que está facendo un seguimento da ría e seguirao facendo nos próximos días, e comunícanos que ata o de agora non se observou ningunha anomalía”.
A auga da traída segue a ser apta para o consumo e o Concello recomenda non bañarse estes días nas praias dos Bloques e do Cargadeiro como medida de precaución tras o vertido de zurro rexistrado o pasado domingo en Vegadeo
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
