Santiago de Compostela, 8 de outubro de 2019.- O conselleiro de Economía, Emprego e Industria, Francisco Conde, compareceu hoxe no Parlamento de Galicia, a petición propia, para abordar a situación das centrais térmicas en Galicia e a necesidade dunha transición enerxética xusta e ordenada que, defendeu, ten que garantir o mantemento da actividade industrial e dos postos de traballo.
Así, incidiu en que a transición non debe xerar damnificados, en referencia ao preto de milleiro de familias que dependen das centrais galegas, e avogou por unha transición que supoña unha solución para todos e non un problema para unha parte da poboación.
Deste xeito, Conde ratificou o compromiso do Goberno galego cunha transición enerxética “xusta, ordenada e que non deixe de lado á industria, ás comarcas e ao emprego”, en definitiva, unha Galicia cada vez máis verde. De feito a Comunidade é a segunda que máis enerxía renovable produce de España e traballa para rematar 2020 con preto de 8000MW de enerxías limpas. Tal e como lembrou o conselleiro, Galicia vén de aprobar a Estratexia de cambio climático e enerxía 2050 para ser un referente no avance cara a un modelo económico baixo en emisións e xa están en marcha as Directrices enerxéticas 2018-2020.
O conselleiro insistiu en que rachar co presente sen ter definido o futuro “non é unha opción para Galicia” e explicou que a propia Endesa recoñece que as probas que está realizando coa biomasa forestal non supoñen, neste momento, unha alternativa viable e que, actualmente, sen as térmicas Galicia pasaría de ser excedentaria na produción enerxética a importadora. Por este motivo, solicitou as mesas regras de xogo que no resto da UE, onde a transición se está abordando dun xeito planificado.
A Xunta defende, pois, que os traballadores das térmicas non paguen as consecuencias da transición e que, fronte á paralización total da empresa, se reactive a súa actividade ata que se atopen os mecanismos que garantan a súa viabilidade. Mentres isto non ocorre, pide ao Goberno que reaccione de xeito inmediato, antes de que sexa demasiado tarde, activando medidas urxentes pola vía da fiscalidade -eliminación do céntimo verde ao carbón, redución da fiscalidade á produción de xeración eléctrica do carbón e pagos por capacidade para as térmicas- e o traballo conxunto na busca de solucións reais. Neste sentido é necesario que Galicia forme parte da Estratexia de transición xusta 2019-2021 que aínda non foi activada polo Goberno, así como a inclusión de Galicia na Plataforma europea de rexións mineiras en transición.
Conde pediu ao Goberno, a Endesa e ao resto de partidos da Cámara que se sumen a unha fronte común e que participen da alianza que onte puxeron en marcha a Xunta e o Concello das Pontes.
O conselleiro concluíu asegurando que a posición de Galicia neste asunto é firme: a Comunidade autónoma vai defender as súas centrais térmicas para o mantemento dos postos de traballo e, así, evitar que Galicia importe enerxía e exporte emprego: “Galicia non se merece unha transición enerxética radical, inxusta e desordenada que provoque o peche das súas industrias”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
