Todos os mariñáns nos estamos xogando moito nestes días. Nada máis e nada menos que o noso benestar e o noso progreso. E non só o noso, senón tamén o dos nosos fillos.
E creo importante que todos os veciños da comarca reflexionemos profundamente con respecto a este asunto.
O que estamos pedindo é que a empresa de aluminio primario poida seguir na nosa comarca. E dános igual que esta empresa sexa Alcoa ou outra distinta. O fundamental é que o aluminio primario se poida seguir elaborando na nosa fábrica. Un metal que se produce a través dun proceso de electrólise que require dun consumo de enerxía moi alto, e que supón aproximadamente o 40% do gasto total empresarial. E para que esta produción sexa posible necesítase un prezo da enerxía equiparable ao doutros países europeos. Un prezo que si era comparable ata fai pouco máis dun ano. Desa parte ata agora non o está sendo. É así de simple. E para facer que o prezo poida ser competitivo o Goberno central, agora en mans do PSOE, ten que establecer os mecanismos necesarios para elo. Elaborar o estatuto das empresas electrointensivas parece ser que vai ser o camiño nesta nova etapa. Así se dixo. Pero ata agora este estatuto non se puxo encima da mesa. Ninguén sabe nada del. Pasan as semanas. E o risco de que a empresa peche é moi alto.
Pero esta empresa do aluminio pechará igual sexa xestionada por Alcoa ou por outro grupo distinto se non se amaña o prezo da enerxía. A cuestión é que este prezo ten que estar entre 35 e 40 euros/MWh e non por encima de 50 euros/MWh como na actualidade.
Isto é o fundamental. Se este prezo competitivo non se alcanza, o aluminio primario non se podería producir independentemente de que esta empresa sexa unha ou outra. E quero reiterar esta cuestión porque é así de claro e así de simple.
Se o prezo é competitivo xa será ou ben Alcoa ou ben outra empresa quen xestione a nosa fábrica. E, repito, se non hai un prezo competitivo, nin a Alcoa nin a ningunha outra empresa lle interesará a nosa fábrica. E nestas circunstancias quen imos perder somos todos os mariñáns.
Por iso, eu pídolles aos representantes do PSOE de Lugo e aos de Galicia que medien co presidente do Goberno. Un presidente que é de todos os españoles, pero que estou seguro de que eles son mellores interlocutores á hora de convencelo.
Porque a axuda que nos ten que dar o Goberno central non é para Alcoa.
A axuda é para toda a comarca da Mariña.
A axuda é para todos nós.
“Alerta máxima na Mariña!!!”, por Alfonso Villares
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
