Lugo, 1 de novembro de 2019. O secretario xeral do PSdeG, Gonzalo Caballero, visitou hoxe, no primeiro día de campaña, a cidade de Lugo en compañía da ministra de Economía, Nadia Calviño; a alcaldesa, Lara Méndez; e o presidente da Deputación, José Tomé. Dende alí, apelou a “unha mobilización masiva para encher as urnas de votos” e sinalou a “todos os progresistas de Galicia” que “o voto útil para seguir progresando é o voto ao PSOE”.
“É o voto que frea ás dereitas e á ultradereita, o voto que garante a suba das pensións, a suba dos salarios dos traballadores públicos, a suba do salario mínimo e os fondos para os servizos públicos, o voto que defende a igualdade de dereitos entre homes e mulleres”, remarcou o líder dos socialistas galegos, quen contrastou esta posición coa do PP de Casado, que “representa a incompetencia e a incapacidade”.
“Representa un programa retrógrado e conservador e representa unha estratexia política que está orientada, no plano ideolóxico, pola ultradereita e pola dereita máis rancia”, aseverou Gonzalo Caballero, quen fixo fincapé en que “o voto que lle interesa a Galicia é o voto ao PSOE” e non a “unha dereita que está manexada dende a sombra por Aznar e dende fóra do PP por Abascal e por Vox”.
De feito, o máximo dirixente do PSdeG advertiu de que “o voto ao PP é un voto que pon en risco o estado do benestar, o estado das autonomías, os avances na igualdade real entre homes e mulleres e a modernidade” á vista do seu “xiro ultraconservador” e de que sería “un monicreque” en mans de Abascal. “Non podemos levar un susto o 10 de novembro”, sinalou.
“FEIJÓO NON GOBERNA”
Dito isto, Gonzalo Caballero reclamou a Feijóo que “deixe de ser cómplice desa dereita rancia” e recoñeza que Casado non sería “un presidente solvente” porque “non ten proxecto económico nin de goberno para España”. É así que chamouno a deixar a estratexia de confrontación co presidente do goberno que elixiron a maioría dos galegos o pasado mes de abril.
Sobre todo, como sinalou o secretario xeral do PSdeG, porque “Feijóo non goberna Galicia” senón que se limita a “utilizar a Xunta para tentar confrontar co goberno que ten o apoio da maioría dos galegos e que beneficia aos intereses dos galegos”. Non en van, como recordou, máis dun millón de galegos viron “incrementar as súas pensións, as súas nóminas ou os seus salarios”.
Así mesmo, tras rexeitar as súas “mentiras” no relativo ao financiamento autonómico ou no referido ás cuestións industriais, á vista dos 42 millóns de euros que o último Consello de Ministros designou ás empresas electrointensivas galegas, Gonzalo Caballero censurou que agora Feijóo trate de poñer deberes ao goberno e de cuestionar a data de chegada do AVE. “Non haberá un segundo de retraso por responsabilidade do goberno”, concluíu.
Diso falou tamén a ministra de Economía, quen destacou os avances na chegada da alta velocidade ferroviaria a Galicia cunha “inversión muy superior a la que se había producido en los últimos años precisamente con el objetivo de cumplir ese plazo que nos hemos dado de empezar a hacer las pruebas en 2020”. “No queremos que ningún tipo de retraso se derive de la falta de diligencia del Gobierno”, apostilou.
COMPROMISO DO GOBERNO CON GALICIA
A continuación, a ministra de Economía, Nadia Calviño, reivindicou o “compromiso” do goberno socialista “con Galicia, con su industria, con su gente” e con “diseñar un futuro para toda la ciudadanía” a través dunha política económica que “combina la responsabilidad y la honestidad en la gestión de los recursos públicos con la sensibilidad social”.
“Esta es la política que nuestro país necesita, que es la que apoyan la inmensa mayoría de los ciudadanos españoles”, destacou Nadia Calviño, quen amosou a súa confianza en poder recibir o vindeiro 10 de novembro “un apoio masivo ao PSOE”. “Porque tenemos un proyecto coherente, de futuro y que piensa en el conjunto de la sociedad”, argumentou.
De feito, a titular de Economía chamou a aproveitar esta ocasión “para sentar las bases de un futuro mejor para nuestros hijos” cun goberno “forte, coherente, cohesionado, con visión de futuro e cunha axenda política e económica clara”. Engadiu que se trata, por tanto, de “dar continuidad” ao traballo iniciado hai 16 meses a favor de “toda la ciudadanía”.
“DAR ESTABILIDADE AO GOBERNO”
Pola súa banda, a alcaldesa de Lugo, Lara Méndez, chamou a “revalidar a confianza” que demos o pasado 28 de abril a Pedro Sánchez para seguir traballando a prol “das persoas”. “Iso é que nos motiva para saír novamente á rúa para convencer aos veciños da importancia de dar estabilidade ao goberno”, destacou.
Ademais, en presenza da ministra de Economía, Lara Méndez chamou a “votar polo PSOE” o vindeiro 10 de novembro “pensando no futuro”. “Porque o goberno socialista colleu o timón nun momento complexo e deulle rumbo ao país”, concluíu a rexedora.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
