Nota de Prensa
A Área de Cultura e Deportes da Deputación inviste en Xove máis de 34.000 €
O departamento provincial, dirixido polo nacionalista Antonio Veiga Outeiro, destina os cartos tanto a actividades organizadas directamente pola súa área, como a axudas directas ao Concello ou a diferentes colectivos culturais xovenses.
O responsábel local do BNG de Xove, Marco López, felicitouse polas subvencións destinadas polos nacionalistas para a promoción do deporte no Concello xovense, como as destinadas ao programa Ponte en forma (2.000 €) ou á reparación dos desperfectos causados en infraestruturas deportivas (5.800 €).
O Clube Baloncesto Xove recibirá 5.000 € pola súa participación na Liga Autonómica Sénior, a U.D. Xove-Lago cobrará 4.000 € destinados á tempada de fútbol 2009-2010 e as escolas deportivas da ACD Xove levarán 7.000 € para as súas extensas actividades na importante promoción do deporte base e o lecer dos adultos.
Desde o BNG de Xove quixeron salientar que o Concello non solicitou axuda ningunha nos apartados de Equipamentos, Eventos e Investimentos Deportivos; polo que en todos estes eidos non se poderán beneficiar as asociacións deportivas de Xove. “Non sabemos se isto foi un erro involuntario ou un mal asesoramento”, advertiu Marco López.
No terreo da cultura, Xove percibe este ano 10.340,83 € que veñen financiar distintos acontecementos. Á “V Foliada da Mariña”, organizada pola Asociación Cultural Saíñas, adxudicáronselle 3.500 € do total. O noso goberno municipal tampouco quixo pedir diñeiro no apartado de Axuda Anual ou no referente ás subvencións de Equipamentos destinados a colectivos veciñais, a entidades culturais ou aos bens materiais do propio Concello.
Marco López manifestou que estas axudas corresponden ás solicitudes formalizadas no 2009 e ofreceuse ás entidades culturais e deportivas da localidade para resolver calquera dúbida que puidera xurdir e, incluso, para o asesoramento na solicitude de futuras subvencións dependentes do ente provincial.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
