Santiago, 13 de novembro de 2019.- O Parlamento de Galicia aprobou hoxe a proposición non de lei do Grupo Popular a través da que se solicita ao Goberno central que asuma a proposta de Estatuto para os Consumidores Electrointensivos elaborada polo Goberno galego e que adopte todas as medidas previstas de maneira inmediata en tanto que a situación dos 5.000 empregos que en Galicia dependen da industria electrointensiva é crítica, moi
especialmente daqueles que dependen da factoría de Alcoa en San Cibrao.
A portavoz de Enerxía do Grupo Popular, Marta Nóvoa, lembrou que “o hándicap que presentan estas industrias de marcado carácter electrointensivo, pero especialmente Alcoa, é o consumo inxente de enerxía, que representa o 40 por cento dos seus custes”.
RESPONSABILIDADE
Marta Nóvoa sinalou que tanto a Xunta como o PPdeG “amosaron desde o primeiro momento a súa preocupación pola solución do problema desta industria, cuxo orixe está no prezo da electricidade e ante o que o Goberno central é o único que ten competencia e, por tanto, o único responsable de atopar a solución”.
Neste sentido, lembrou a plena disposición da Xunta para buscar unha solución aos problemas que ten Alcoa e destacou a proposta de estatuto para as empresas electrointensivas “con medidas clave que, xunto coa poxa de interrumpibilidade, repercutirán directamente na baixada do prezo da enerxía para estas industrias ata poñelas en igualdade de condicións co resto de Europa, situando o megavatio entre 35 e 40 euros”.
Entre as medidas que inclúe esta proposta de estatuto figuran a avaliación do consumo de electricidade e o valor engadido bruto das empresas; a categoría de consumidor hiperelectrointensivo; a supresión do imposto do 7 por cento á xeración eléctrica a todos os consumires que sexan grandes empresas, pemes ou particulares; suprimir o imposto especial sobre o carbón; reducir as cargas e peaxes nas tarifas de acceso; fomentar a contratación a longo prazo de enerxía eléctrica; ou a ampliación das axudas compensatorias por axudas indirectas de CO2.
ONCE MESES SEN ESTATUTO
“Levamos once meses, desde a aprobación do Real Decreto por parte do Goberno socialista, sen que se aprobe o estatuto dos consumidores electrointensivos, pero o máis grave é que os socialistas non quixeron mostrar o suposto borrador existente para comprobar se realmente contempla as medidas que o farían útil”, sinalou.
Ademais, a portavoz popular criticou que, “co problema de Alcoa enriba da mesa, o Goberno socialista reduciu as axudas á industria electrointensiva a través da baixada dun 40 por cento das poxas por interrumpibilidade, afogando a esta industria porque non melloraron as ordes de compensación por CO2”.
“Desde Galicia non imos deixar de esixir os compromisos que o Goberno de España ten con Galicia e con todos os traballadores galegos, porque falamos de crear unha transición enerxética ordenada e xusta, e tamén dun estatuto de electrointensivas que ofreza competitividade e estabilidade a estas industrias”, remarcou Marta Nóvoa.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
