NOTA DE PRENSA:
Ao longo da pasada lexislatura a xestión dos socialistas á fronte da desaparecida Consellería de Pesca caracterizouse polo absoluto desprezo pola opinión das xentes do mar e por desbotar os criterios técnicos que aconsellaban unha mellora no salvamento marítimo
O GRUPO POPULAR PON EN DÚBIDA A CAPACIDADE E OPERATIVIDADE DOS HELICOPTEROS DE SALVAMENTO QUE PRETENDE POÑER EN MARCHA FOMENTO
* Balseiro Orol lembra os fallos e carencias dos operativos de emerxencia do buque Cordero e Rosamar como exemplo e síntomas da mala xestión dos socialistas.
* Fomento pretende perpetrar un engano: o novo helicóptero chega con máis de 15 meses de atraso e o que se queda está obsoleto e padece múltiples e frecuentes avarías
* Técnicos, expertos e sindicatos apostan polo modelo da Xunta que garante a operatividade e diminue o tempo de resposta dos helicópteros de salvamento que pola dotación de novas aeronaves que só voarán de inmediato en horario de oficina.
Santiago, 05 de abril de 2010.- O voceiro do Mar do Grupo Parlamentario Popular, Jose Manuel Balseiro Orol, afirmou que si hai unha xestión irresponsable e temeraria dos medios de salvamento en Galicia esa foi a desenvolvida pola anterior Consellería de Pesca, en mans do PSdeG, que se caracterizou polo seu absoluto desprezo pola opinión das xentes do mar e por desbotar os criterios técnicos que aconsellaban unha mellora neste servizo. Como “síntoma e exemplo” subliñou os múltiples fallos e as carencias que se evidenciaron na pasada lexislatura cando se fixo fronte a emerxencias marítimas como as do naufraxio do buque Cordero ou do Rosamar.
Os populares galegos seguen a denunciar que o anuncio efectuado por Fomento sobre a dotación dun novo helicóptero na base de salvamento de Cee “é un engano”, pois simplemente se trata de poñer en servizo un novo helicóptero “que chega con atraso, xa que levamos 15 meses esperando ante a obsolescencia do actual”, e manter o aparato antigo, que cómpre lembrar, “ten múltiples avarías cada pouco”. É polo que “non teremos dous novos helimer senón un e cuarto”-concluíu o voceiro do Mar.
Balseiro Orol insiste en que desde o Partido Popular sempre mantiveron que é máis oportuno apostar polo criterio de mellorar a operatividade dos medios aéreos de salvamento marítimo, tal e como está a facer a Xunta dotando de dobre tripulación aos seus helicópteros, que adquirir unha nova aeronave como prevé facer Fomento. E subliña que este non só é un criterio defendido polos populares e pola Xunta, senón tamén polos profesionais de salvamento, polos técnicos especialistas e polos sindicatos de pilotos. “Cando existe esta unanimidade nos consellos e nas opinións dos expertos por algo será” -concluíu Balseiro
SALVAMENTO EN HORARIO DE OFICINA
O voceiro do Mar do Grupo Popular insiste en que grazas ao esforzo da Xunta o tempo de resposta ante calquera emerxencia diminuíu e a operatividade dos helicópteros da Xunta amplíase ás 24 horas do día, os 365 días do ano. Pola contra o modelo escollido por Fomento non é o máis acaído para Galicia posto que a diferenza dos helicópteros da Xunta, o segundo Helimer do Estado probablemente só ofrecerá un servizo en horario de oficina, de 9 a 15 horas, sen capacidade resposta inmediata fóra deste horario. Polo explicado, e dalgún xeito Fomento estaría a “malgastar cartos co único obxecto de facer un anuncio electoralista, e non baseado en criterios profesionais”.
O voceiro do Mar do PPdeG insistiu en deixar moi claro que os populares non están en contra da creación dunha nova base de salvamento na Costa da Morte, mais apuntou que en todo caso se bota en falta que este tipo de decisións non se baseen en criterios técnicos. Asemade, Balseiro emprazou aos responsables socialistas a explicar ás xentes do mar da costa coruñesa cales serán as características do helicóptero que se vai situar en Cee, así como dos horarios de operatividade “para que non se chamen a enganos e non pase coma antes, cando crían que estaban cubertos por un helicóptero que os deixaba tirados ás primeiras de cambio”.
UN SO VOO DO HELIMER NO OPERATIVO DO “KEA”
Finalmente Balseiro Orol puxo en dúbida a autonomía e capacidade da manobra do helicóptero de salvamento competencia de Fomento e de xeito especial, no tocante ao que pode supoñer o mantemento da aeronave máis obsoleta. Nesa liña quixo lanzar unha pregunta pública sobre cal foi a razón pola que o Helimer de Fomento tan só efectuou un voo no transcurso do operativo de salvamento dos tripulantes do “Kea”, namentres que o operativo foi efectuado por aeronaves doutras administracións e incluso doutros países. Balseiro apuntou con este exemplo a que, moi probablemente, as carencias que dificultaron esta operación, e outras moitas acontecidas no pasado, non diminuirían e mesmo se aumentarían coa conservación deste helicóptero, e todo iso, a pesar da excepcional capacidade de traballo e gran profesionalidade dos tripulantes das aeronaves que se ven superados pola mala xestión dos socialistas ao fronte do salvamento marítimo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
