Ribadeo, 27 de xaneiro de 2020. A Aula CeMIT do Concello de Ribadeo organiza un ciclo de seminarios sobre Administración Electrónica, que se celebrarán os días 6, 11 e 18 de febreiro.
Estes seminarios serán emitidos desde a aula a través de vídeo conferencia. As prazas son limitadas e para participar é preciso facer a inscrición na web do CeMIT, na propia Aula CeMIT ou no número de teléfono 982 120 732.
O ciclo dará comezo o 6 de febreiro co seminario Como obter a túa sinatura dixital (FNMT). Desenvolverase en horario de 10:30 a 11:30 e abordaranse cuestións como que é a sinatura dixital, como obtela, as súas utilidades e como verificar un documento asinado dixitalmente.
O segundo seminario será o 11 de febreiro, de 10:30 a 11:30 horas e tratará sobre Como usar o DNI electrónico e o DNI 3.0 (lector e smartphone). A actividade abordará a seguinte temática: diferenzas entre o DNI electrónico e o DNI 3.0, elementos necesarios para utilizar o novo DNI, que é a tecnoloxía NFC e para que serve e a utilización de lectores e de teléfonos intelixentes para utilizar o DNI 3.0.
O último seminario terá lugar o 18 de febreiro, versará sobre Trámites online con certificado dixital e desenvolverase en horario de 10:30 a 11:30. A temática abordará como instalar o certificado dixital, onde usalo, como facer a solicitude do borrador IRPF, consulta do rexistro da propiedade, aprazamentos de débeda con Facenda, solicitude do certificado de retención IRPF, pago de impostos como IBI ou vehículos, e empadroamento, entre outros.
Esta actividade está organizada pola Aula CeMIT, o Concello de Ribadeo e Fegaus.
A Aula CeMIT do Concello de Ribadeo organiza un ciclo de seminarios sobre Administración Electrónica
Relacionado
-
O Concello de Cervo garante a continuidade de Marmeladas A Morena no Centro de Emprendemento de Sargadelos
-
Barreiros acolle este venres un Túnel do Viño con 15 referencias tintas da provincia de Lugo
-
Acisa Ribadeo presenta unha publicación especial polos seus 37 anos e o Premio Nacional, coincidindo coa XII Gala Anual
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
