Ourol, 28 de xaneiro de 2020.- O portavoz do Grupo Municipal Popular, José Hermida, destacou o investimento da Xunta de Galicia no municipio que só en 2019 superou os 2 millóns de euros en achegas directas en beneficio das veciñas e veciños da localidade.
Hermida sostivo que a Xunta “é a administración pública que, con gran diferencia, máis inviste en Ourol” impulsado achegas clave para o desenvolvemento futuro deste municipio ou para o sostemento dos principais servizos públicos.
As achegas máis relevantes da Xunta correspóndense co Fondo de Compensación Ambiental (226.000 euros) e co Fondo de Cooperación Local (173.000 euros). En ambos casos contribuíron a financiar diversas obras e servizos tales como a mellora dos centros sociais de Merille e Xerdiz, adquisición de maquinaria de poda e melloras nas estacións potabilizadoras.
No ámbito do servizos sociais o Goberno galego destinou case 79.000 euros a financiar o servizo de axuda no fogar para persoas en situación de dependencia e 19.600 euros máis ao sostemento da nova Casa Niño, na que se atende a nenos de 0 a 3 anos e que, grazas ao apoio da Xunta é cen por cen gratuíta para as familias usuarias.
Outro dos aspectos nos que se centrou gran parte do investimento da Xunta foi no medio rural, con achegas próximas aos 200.000 euros en axudas para novas incorporacións, plans de mellora e pequenas explotacións, e 300.000 euros adicionais en axudas da PAC.
Tamén no ámbito do emprego destacan os apoios á industria madeireira local, con achegas por máis de 400.000 euros a través da Axencia Galega da Industria Forestal e o financiamento do obradoiro de emprego que comparte con Vicedo e Muras e que supuxo unha achega da Xunta de 336.000 euros
Con todo a estas achegas terían que engadir outros apoios, como son o sostemento do centro de saúde local, que teríamos que sumar á cifra de 2 millóns de euros de investimento.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
