O Valadouro, 19 de febreiro, 2020. O próximo domingo 23 de febreiro, O Valadouro celebra o seu desfile de entroido polas rúas da Vila de Ferreira a partir das 17:00 horas. A inscrición anticipada xa está aberta e toda a información na paxina web valadouro.org e no teléfono das oficinas de cultura 982571516. O mesmo día do desfile os participantes poderán inscribirse nas instalacións do Parque Concepción Areal de 15:30 a 16:30 horas.
Ante un desfile que medra ano tras ano, o Concello repartirá máis de 3500€ en premios nas categorías: individual, parellas e grupos tanto en infantil como adulto, unha categoría de comparsas con 800€ en premios para as 3 mellores e un único premio o entroido co mellor humor de 60€.
Os participantes partiran do Parque Concepción areal para desfilar pola Rúa Andrés López Palmeiro, Paza de Santa María e Avenida de Viveiro. Posteriormente haberá un baile de disfraces amenizado pola discoteca móbil EVENTEC no pavillón Municipal.
O Concello de O Valadouro para a celebración do desfile de Entroido terá cortadas o tráfico as Rúas Andrés López Palmeiro, Xistral e Fonte Nova así como a Avenida de Viveiro e Avenida da Costa. Tódolos aparcamentos municipais estarán dispoñibles excepto a Praza de Santa María e a Rúa Andrés López Palmeiro.
Desfile de Entroido no Valadouro este domingo
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
