LUGO .- A exposición sobre Castelao “A derradeira lección do mestre”, que recolle obras de todas as vertentes artísticas que Castelao cultivou até a súa morte hai 60 anos, tanto pinturas como debuxos e caricaturas privilexiando o período no que estivo exiliado, e permanecerá aberta ao público no Museo de Lugo até o 10 de xullo.
Nota de Prensa
INAUGUROUSE A GRAN EXPOSICIÓN SOBRE CASTELAO NO MUSEO DE LUGO
Antón Bao falou “dunha arela cumprida poder inaugurar esta ambiciosa mostra sobre a figura máis importante da historia deste país, a maior personalidade galega do século XX
A exposición inclúe pezas de todas vertentes artísticas que Castelao cultivou, privilexiando o período no que permaneceu exiliado
LUGO, 14 de abril de 2010. Esta tarde, o vicepresidente da Deputación, o nacionalista Antón Bao, xunto ao delegado de Cultura da Deputación de Lugo, Antonio Veiga, acompañados da directora do Museo de Lugo, Aurelia Balseiro, e os comisarios da mostra, Felipe Senén López e Pilar García Negro, presentaron a exposición sobre Castelao “A derradeira lección do mestre”. Esta mostra recolle obras de todas as vertentes artísticas que Castelao cultivou até a súa morte hai 60 anos, tanto pinturas como debuxos e caricaturas privilexiando o período no que estivo exiliado, e permanecerá aberta ao público no Museo de Lugo até o 10 de xullo.
O acto de inauguración, que contou coa interpretación do Himno de Galiza por parte da agrupación “Solo Voces”, estivo ateigado e até o Museo de Lugo achegáronse un sen fin de personalidades do mundo político, cultural e institucional como o vicepresidente da Fundación Castelao, Miguel Anxo Seixas; Mauro Varela, presidente de Caixa Galicia; o vicepresidente da AC Alexandre Bóveda; Antonio Reigosa en representación da AELG; Sinesio Pérez, xerente da Fundación CaixaGalicia en Lugo; destacados políticos do BNG como as parlamentarias Ana Pontón e Isabel Sánchez, o alcalde da Pobra de Brollón, Xosé Lois Maceda, os tenentes de alcalde nacionalistas da Pastoriza e Chantada, Elba Carreira e Ildefonso Piñeiro, ou os concelleiros do BNG de Lugo, Paz Abraira e Xosé Anxo Laxe; e políticos socialistas como Ismael Rego, parlamentario do PSdeG, e Regina Polín, deputada provincial e Alcaldesa de Guitiriz.
Antón Bao, destacou na súa intervención que se trata “dunha arela cumprida poder inaugurar esta ambiciosa mostra sobre a figura máis importante da historia deste país, a maior personalidade galega do século XX, o noso compañeiro Castelao”. Desde a Área de Cultura da Deputación traballouse sempre co convencemento da necesidade dunha exposición sobre Castelao porque, segundo Antón Bao, a “importancia e a transcendencia da súa obra fan del un compatriota insubstituíbel, porque xuntou en toda a súa actividade múltiplas funcións artísticas e políticas, como debuxante, pintor, xornalista, caricaturista, ilustrador, escritor, pensador e político nacionalista”. Mais, todas as faces deste poliedro tan fértil obedecen a unha mesma motivación e aspiración, continuou Bao, “a significación cultural e a representación política da Galiza como nación que debía ser coñecida e recoñecida como tal, tanto fóra como dentro dela mesma”. Para Bao, con esta exposición faise un pouco de xustiza necesaria ao recoñecemento dun Castelao “que non abdicou nunca, en toda a súa vida adulta, dun duplo deber: a devolución aos galegos da súa historia e da súa cultura, e a proxección do universo galego en España e no mundo”.
Antón Bao rematou mostrándose “satisfeito por poder realizar esta exposición que se facía xa máis que necesaria” e agradeceu a todas e cada unha das persoas que participaron na súa elaboración e montaxe, persoas que colaboraron cedendo documentos orixinais que se expoñen, a todas as persoas que compuxeron o comité científico e ao comisariado da exposición, María Pilar García Negro e Felipe Senén López Gómez, “por contribuír a facer realidade esta exposición tanto desexábamos para que poidan gozar todos e todas as lucenses e galegos”.
O delegado de Cultura da Deputación, o nacionalista Antonio Veiga, reafirmouse na “satisfacción que produce ver por fin no Museo de Lugo unha mostra tan nosa, tan vinculada ao noso sentir como galegos como a propia obra de Castelao”, e desexou que a exposición logre atraer moitos visitantes e “que as persoas que a poidan gozar saian impregnadas do arrecendo de amor a Galiza que encheu cada parte da vida de Castelao”.
O período que privilexia esta exposición correspóndese cos anos 1936-1950, anos todos en que Castelao non puido poñer o pé na súa terra e traballou desde o exilio, e nos que se cadra por isto as referencias a Galiza son máis nutridas e intensas. A exposición non é só un proxecto expositivo e editorial, senón que vai máis alá ao estar complementado cunha programación cultural paralela na que se desenvolverán actividades didácticas e divulgativas arredor de Castelao, para afondar no coñecemento dunha figura imprescindíbel para entender o país galego.
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
Faino despois de que esta semana aparecese vandalizada a lápida de Paulo Lopes nun acto que a entidade cualificou de racista e xenófobo. O colectivo expresou o seu apoio á familia e reclamou que se esclareza a orixe da agresión. A concentración terá lugar o luns 25 de maio, ás 20:00 horas, na praza do Concello de Burela, baixo o lema de apoio a Antonina Semedo e contra o racismo.
Durante a visita, destacou a importancia do evento para impulsar a comercialización do produto artesán galego, achegar os oficios á sociedade e reforzar a marca Artesanía de Galicia como sinónimo de calidade e traballo feito á man. Nesta edición participaron 20 obradoiros inscritos no Rexistro Xeral de Artesanía de Galicia, especializados en marroquinería, cantería, xoiería, cerámica, forxa, bordado ao aire, cestería, xoguetes, tecido, debuxo, vidro, elaboración de roupa, bixutería, sombreirería e complementos de moda.
Os premiados e recoñecidos queixos de Gandería Quintián foron os protagonistas. Os asistentes puideron ver a elaboración de diferentes receitas, que despois tiveron a oportunidade de degustar. A Gastropraza está organizada polo Concello de Ribadeo, a asociación de Cociñeiros Lugo, a Xunta de Galicia e Acisa.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
