A Mariña, 6 de marzo de 2020 . O deputado no Congreso polo BNG, Néstor Rego e a candidata ao Parlamento de Galiza, Olalla Rodil, acompañados pola responsable comarcal do BNG Ana Ermida, mantiveron un encontro con representantes dos principais sectores económicos da comarca.
No acto estiveron presentes representantes do sector pesqueiro, forestal, agrario, turístico, empresas de construción civil, comerciantes e persoas autónomas, representantes sindicais e empresariais . Durante as dúas horas que durou o encontro, puxéronse enriba da mesa vellas demandas que o BNG levara no seu día xa ao Congreso, e que os sucesivos gobernos do estado foron deixando no caixón e no esquecemento, a maioría referidas a infraestruturas que as nacionalistas entenden “fundamentais para o desenvolvemento e o futuro da comarca”.
Infraestruturas pendentes
Diante da complexa situación que está a vivir a comarca, especialmente no último decenio 2010-2020, no que a pantasma real do desemprego percorreu e percorre A Mariña dunha punta a outra con Eres, reducións de plantilla e peches ou semipeches de moitas fábricas e empresas emblemáticas non só na comarca senón en todo o país, o BNG entende que tanto o Estado co a Xunta teñen que cumprir os múltiples acordos tomados en moitas institucións, case sempre por unanimidade, pero que á hora da verdade fican no esquecemento.
Neste sentido referíronse á sempre prometida autovía A-74 Barreiros-San Cibrao, ao corredor San Cibrao-Ferrol, á creación dun porto comercial no dique norte de Morás, á reclamación de ter Autoridade Portuaria propia, á modernización e aproveitamento de Feve, e á mellora das estradas N-634 e N-642 que seguen en pésimas condicións.
Pesca
Tratáronse tamén temas de suma importancia para a comarca como o da pesca, un sector puxante e un dos principais xeradores de emprego. Aquí o BNG considera necesario ter voces galegas e que pensen en clave de país, alí donde se toman decisión que afectan moito o sector, como vén facendo o BNG diante da Xunta, e agora tamén no Congreso e no Parlamento Europeo.
Enerxía
Non se pasou por alto o tema da situación da factoría de Alcoa en San Cibrao, donde o BNG ten e tivo sempre unha posición clara ao respecto, no que ten a ver coa enerxía, pois non é entendible que no país produtor e excedentario de enerxía teñan problemas as empresas polo custo da mesma.
Todos coincidiron e concluíron en que “a comarca de A Mariña ten a día de hoxe un déficit histórico en materia de infraestruturas que obedece a un deseño das mesmas feito obviando as necesidades económicas e sociais da comarca e eso debe reverterse coa máxima urxencia”
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
