Santiago de Compostela, 22 de abril de 2020. O sector Postal de CCOO denuncia que o persoal de Correos ten o maior índice de contaxios de coronavirus tras o persoal sanitario. O sindicato, maioritario na empresa, atribúe a situación á «irresponsabilidade» do presidente do operador postal público, José Manuel Serrano, que durante vinte días mantivo as traballadoras e traballadores sen equipamentos de protección individual (EPI). En toda España hai 836 casos positivos de COVID-19 en Correos e 2200 máis están en corentena. En Galicia son 38 os posibles positivos e cinco máis en corentena.
Por provincias, na Coruña hai 21 posibles positivos e dous en corentena; en Lugo, catro posibles positivos e un en corentena; en Ourense, cinco posibles positivos; en Pontevedra, oito posibles positivos e dous en corentena.
Ademais, CCOO denuncia que Correos, «contrariamente ao criterio do Goberno», está a «ocultar» os datos provinciais desde o pasado 13 de abril, última data en que os publicou. «Esta manobra pon de manifesto a falta de transparencia e a nefasta xestión do seu presidente», incide o sindicato.
Os datos sitúan o índice de contaxios en Correos (1,59 % do persoal total) en niveis cinco veces superiores á media da poboación, só por baixo do persoal sanitario (4,87 %) e levemente por riba das forzas e corpos de seguridade do Estado (1,58 %).
CCOO atribúe a situación á «alta exposición» a que estivo sometido o persoal de Correos nas primeiras semanas da crise sanitaria; durante arredor de vinte días careceron dos EPI axeitados, pero seguiron desempeñando o seu cometido, por ver Serrano «unha oportunidade de negocio» no comercio electrónico.
A presión sindical levou a que o Real decreto do pasado 29 de marzo definise como «esencial» o servizo público postal —algo ao que o propio Serrano se opuxera—, restrinxindo a actividade de Correos aínda máis e limitándoa á prestación de elementos esenciais e imprescindibles para a cidadanía.
Por último, CCOO esíxelle á dirección de Correos que, se non é capaz de dotar a todo o persoal dos medios de protección axeitados, así como de garantir a correcta desinfección das instalacións, entre outras medidas, «deberá paralizar a actividade, porque a saúde e a vida están por riba do negocio».
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
