Lugo, a 26 de abril de 2020. A presidenta provincial do PP, Elena Candia, mantivo a terceira reunión telemática de traballo e de coordinación do Partido cos senadores lucenses, José Manuel Barreiro, Rosa Arza e Manuel Varela. Deste xeito, a máxima dirixente dos populares na provincia continúa a analizar cos distintos cargos orgánicos e institucionais as iniciativas presentadas nas distintas cámaras parlamentarias, co fin de aportar medidas ao Goberno para reducir os efectos socioeconómicos que trae aparellados a crise sanitaria do Covid-19 na provincia.
Os populares que, situaron as consecuencias en materia de saúde pública como o principal problema da pandemia, consideran tamén importante que o Executivo central debe contemplar na súa folla de ruta, “pois a día de hoxe non o fixo”, medidas específicas dirixidas ao sector servizos e do comercio minorista que contribúan a solucionar o problema dos arrendatarios de locais de negocio para facer fronte ao pagamento do alugueiro durante o período no que estean obrigados a clausurar a súa actividade.
Neste senso, consideran que o Goberno non debe obviar esta cuestión, xa que ducias de empresarios e autónomos de Lugo non obtiveron nin un só ingreso dende hai mes e medio, pero sen embargo continúan tendo que facer fronte a numerosos gastos para seguir dados de alta, como son: créditos, seguros, os recibos da auga e da luz ou o alugueiro”.
“Somos conscientes de que a recuperación vai ser lenta e difícil, pero este gasto ao que nos referimos é fixo. Pensamos que axudar a estes traballadores a custear o prezo do que lles custa cada mes o local dos seus negocios é unha medida que xa debía de ter posto enriba da mesa Pedro Sánchez”, sobre todo, indican, “porque a reapertura tamén vai ser complicada e incluso implicará o acondicionamento de moitos destes locais”.
ERTES
A este respecto, os senadores tamén expuxeron a necesidade de que o Goberno clarifique cando os lucenses afectados polos ERTEs van cobrar a prestación que lles pertence. Son unhas 4.000 empresas da provincia e 14.000 traballadores os foron incluídos nun Expediente de Regulación Temporal de Emprego por mor da crise sanitaria, pero que, o atasco que ten o SEPE na súa tramitación provoca que a gran maioría dos afectados non cobren ata comezos de maio, no mellor dos casos, ou incluso ata xuño. “Esta dilación inaceptable nos prazos está a ocasionar incertidume en moitas familias que non saben como van afrontar os seus gastos mensuais, ao descoñecer cando van a recibir os ingresos que lles pertencen”, explicaron.
O vitivinícola, outro dos sectores afectados
Outro dos sectores afectados pola pandemia é a industria vitivinícola da Ribeira Sacra. A este respecto, explican que a situación é incerta para todas as bodegas: tanto para as que teñen cesada a súa actividade de forma temporal coma para as que se manteñen activas, que xa viron diminuídos os seus ingresos. Tal é así que as perdas do sector constátanse tamén na maioría das adegas porque só 15 das 96 que existen na Ribeira Sacra comercializan o seu produto de forma directa a través da Internet.
Engaden tamén os populares que a suspensión dos actos e celebracións programadas e para as que o sector levaba invertendo recursos humanos e materiais durante meses supuxo un grave trastorno para os adegueiros, pois iniciativas coma a replantación e a reestruturación dos viñedos ou a participación en feiras internacionais, que xa estaban programadas, non se poderán levar a cabo polo momento.
Retorno dos ERASMUS
Para os populares tamén é importante que dende o Goberno de España se facilite que os estudantes lucenses e galegos que están a cursar os seus estudos no estranxeiro poidan voltar aos seus fogares durante o estado de alarma. Son moitos os mozos que, no marca do programa de mobilidade europea para universitarios, se atopaban fóra do país cando comezou a pandemia do Covid-19 e as embaixadas non lles ofrecen ningunha solución viable. Esta situación agrávase aínda máis se se ten en conta que a crise sanitaria obrigou ao peche de fronteiras comunitarias para a libre circulación de persoas e ás restrición de voos para que os estudantes poidan retornar. Así llelo trasladaron diversos afectados á senadora Rosa Arza, entre eles unha estudante de Foz que se atopa na República Checa.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.