Lugo, 7 de maio de 2020. O delegado territorial da Xunta en Lugo, José Manuel Balseiro mantivo un encontro a través de videoconferencia con integrantes da asociación de comerciantes e hostaleiros de Ribadeo, Acisa, para poñer en común as iniciativas que o Goberno galego ten en marcha en apoio do sector do comercio e da hostalaría, dirixidas a colaborar na súa reactivación.
No transcurso do encontro Balseiro confirmou que, con datos actualizados a día de hoxe en Ribadeo aprobáronse 186 expedientes temporais de regulación de emprego (ERTEs), que afectaron a 441 traballadores, deles o 63% correspóndese cos sectores da hostalería e comercio, onde se aceptaron o 100% das solicitudes.
Comercios, bares e restaurantes seguros
Outro dos asuntos obxecto de análise foron as novas obrigas que deben cumprir os comercios e establecementos de restauración en materia hixiénico sanitaria. Nese senso Balseiro explicou que a Xunta ten a súa disposición material específico con recomendacións preventivas para diferentes actividades. Pode accederse a estas guías a través da páxina web especifica sobre o coronavirus do Instituto de Seguridade e Saúde Laboral de Galicia (Issga)
A documentación, consensuada co sector, recolle medidas a ter en conta antes de ir traballar, tamén se incide na distancia de seguridade que deberá ser de dous metros entre clientes, produtos e persoal, adoptar medidas de barreira nas zonas de atención ao público e controlar o aforo mediante cita previa, organizando a entrada por quendas e indicando un horario de atención preferente a maiores de 65 anos.
En canto á hixiene e limpeza faise fincapé no lavado frecuente de mans, evitar tocar nariz, ollos e boca, cubrir as vías respiratorias cun pano desbotable ao tusir ou esbirrar, así como limpar e desinfectar espazos frecuentemente (mostradores, pomos, probadores…), ventilar frecuentemente, protexer o produto para evitar a súa contaminación pola exposición e manipulación e uso de máscara hixiénica ou cirúrxica durante a estancia no comercio.
Tamén se recollen medidas organizativas como a sinalización no chan das distancias e camiños, valorar a necesidade de apertura de probadores e en caso de facelo reforzar a limpeza e desinfección, e fomentar o pago por medios electrónicos así como o comercio online. O Goberno galego insiste tamén na importancia de adquirir material recomendado polas autoridades sanitarias, entre o que non se atopa o ozono.
O delegado tamén avanzou que dentro da campaña de divulgación e información de comercio seguro, enviaranse elementos informativos para colocar nos mostradores de todos os establecementos que levarán recomendacións da Xunta, así como unha campaña en redes sociais, baixo o lema #SeguimosAdiante.
Finalmente, Balseiro lembrou que continúan activas as liñas específicas de préstamos a tipo de interese cero para facilitar a liquidez das empresas, comercios e autónomos. O delegado tamén avanzou que a Xunta está traballando nun plan específico para o comercio, que servirá para apoiar os esforzos que os distintos establecementos realicen en materia de dixitalización e venda a distancia, para a compra de material de protección homologado, tamén para apoiar as obras de adecuación dos locais ás novas esixencias como, por exemplo, a colocación de mamparas e, por último, nun plan específico de formación para os traballadores deste sector.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
