Viveiro, 12 de maio de 2020. O Concello de Viveiro informa aos veciños e veciñas de Viveiro que a partir deste xoves, 14 de maio, se procederá á reapertura do punto limpo e do cemiterio municipal, que permanecían pechados dende a declaración do Estado de Alarma.
A súa reapertura acórdase á vista da Orde SND 399/2020, de 9 de maio, para a flexibilización de determinadas restricións de ámbito nacional, establecidas tras a declaración do estado de alarma en aplicación da fase I do Plan para a transición cara unha nova normalidade, tendo en conta que no artigo 7 se indica que, en relación ao establecido na mesma, se poderá circular pola provincia, isla ou unidade territorial de referencia a efectos do proceso de desescalada.
O Cemiterio Municipal de Viveiro reabrirá ao público o xoves 14 de maio, ás 9:00 horas. Nesta primeira fase da desescalada o Cemiterio de Altamira permanecerá aberto de luns a venres, en horario de 9:00 a 13:30 horas. En cada momento o número de persoas no interior do cemiterio non superará o 30 % do aforo e, simultaneamente, a distancia entre dúas persoas que non convivan será, cando menos, de dous metros.
Así mesmo, recoméndase o uso de mascarillas e unha minuciosa hixiene de mans. Haberá líquido desinfectante a disposición dos usuarios. Por último, lémbrase a prohibición de beber dos grifos existentes no cemiterio.
O Punto Limpo reabre no seu horario habitual, de luns a venres en horario de 10:00 a 14:00 horas e de 16:00 a 19:00 horas; os sábados, abre de 10:00 a 14:00 horas. Neste caso, tamén se solicita aos usuarios deste servizo que se adopten todas as medidas de seguridade establecidas polas autoridades competentes.
Así mesmo, infórmase a todos os veciños e veciñas que esta semana se celebrará o mercado semanal nas mesmas condicións que a pasada semana –coa presenza dos postos de venda directa de produtos agrícolas e gandeiros-, tendo en conta que entre as medidas establecidas para a súa reapertura figura que o número de postos dos mercados quedaría limitado ao 25 % dos autorizados ou habituais e unha afluencia inferior a un terzo do aforo habitual.
A orde recolle a posibilidade de proceder ao aumento da superficie habilitada para o exercicio deste actividade de maneira que se produza un efecto equivalente á citada limitación, non sendo posible esta alternativa tendo en conta as medidas de cada un dos postos e mais da Praza Maior e ao non contar cun espazo alternativo que reúna as características necesarias para establecer os requisitos de distanciamento entre postos e as condicións de delimitación do mercado co obxectivo de garantir a seguridade e distancia entre traballadores, clientes e viandantes.
Tendo en conta estas circunstancias e co obxectivo de non prexudicar a ningún posto, tendo en conta que só poderían colocarse un 25% dos autorizados ou habituais, decidiuse manter a súa celebración segundo o establecido na pasada semana, mentres se buscan posibles alternativas.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
