Santiago de Compostela, 22 de maio 2020. Ante a volta ás aulas do alumnado de alumnado de 2º de BACH e Formación Profesional o vindeiro luns, a deputada e portavoz de Educación do BNG, Olalla Rodil afirma que o virus non desapareceu e resulta “unha irresponsabilidade” a volta xeral as aulas con carácter xeral e que a Consellería responsabilice aos centros educativos da compra de materiais de protección.
Para a deputada do BNG, “o curso debe rematar coa tele-docencia”, agás aquelas excepcións nas que sexa preciso reforzar a aprendizaxe do alumnado de maneira presencial, fundamentalmente entre o estudantado que irá á ABAU e sempre garantindo as condicións de seguridade e hixiénico-sanitarias que eviten calquera tipo de contaxio entre o persoal docente e o alumnado.
Ao seu xuízo, a Xunta de Galiza e a Consellaría de Educación, “deberían estar a planificar e deseñar, en diálogo permanente coa comunidade educativa, o curso 2020/2021”, porque será un dos grandes retos ante un probable rebrote da COVID-19 en outono e resultaría “unha irresponsabilidade” comezar o curso sen as debidas garantías de protección e prevención. “Non só hai que reorganizar os centros, o profesorado e as aulas; tamén os servizos de transporte e os comedores escolares”.
O profesorado, explica a nacionalista, fixo un gran esforzo ao longo destes meses sen recibir practicamente axuda da Consellaría de Educación para adaptarse á tele-docencia, para adaptar a programación e para manter o contacto co alumnado nunhas condicións moi precarias en canto á conexión a Internet.
Rodil reclama á Xunta de Galiza e á Consellaría de Educación “prudencia e responsabilidade” e que as condicións de seguridade hixiénico-sanitarias non dependan dos centros segundo o protocolo presentado na Mesa sectorial para a adquisición de material imprescindíbel como o xel hidroalcólico, luvas, papeleiras de pedal, pantallas e máscaras.
“O mínimo que se pode exixir ao goberno galego nunha situación coma esta é que habilite unha partida orzamentaria extraordinaria na Consellaría para adquirir e subministrar o material que deben dispoñer os centros público, porque isto non pode ser o sálvese quen poda”.
O BNG volve a pedir a Xunta “prudencia, previsión, planificación e responsabilidade”, na volta ás aulas o vindeiro luns, e advirte que nin os centros nin o persoal conta coas garantías de seguridade mínimas.
As présas son malas compañeiras e malia a mellora dos datos sanitarios en Galiza o virus non desapareceu, “é unha irresponsabilidade crer que todo volveu á normalidade”. De feito, algúns países europeos que decidiron apresuradamente reabrir tiveron que dar marcha atrás, en Galiza non pode acontecer iso. “Non se pode improvisar nestas circunstancias só porque o Partido Popular queira lanzar desde a Xunta unha idea de normalidade que non é tal. É unha temeridade”, recalca Roidl.
Medidas de conciliación
Para a nacionalista, as dificultades económicas e de conciliación xeran nas familias unha situación cada vez máis complexa a medida que se re-estableza a volta ao traballo presencial. Neste sentido, o BNG reclama á Xunta de Galiza medidas que garantan o dereito a conciliar favorecendo o tele-traballo cando sexa posíbel, permitindo xornadas reducidas ou horarios intensivos sen perda de salario a través, da aprobación dunha prestación social pública compensatoria; creando servizos públicos novos e reforzando os xa existentes e medidas hixiénico-sanitarias, para garantir o dereito de conciliación.
“A conciliación e a co-responsabilidade son dúas das grandes materias pendentes” como denuncia o movemento feminista e a crise provocada pola COVID-19 fíxoo aínda máis evidente. “É urxente adoptar medidas que permitan conciliar a vida familiar e laboral no grave contexto provocado pola pandemia”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
