Ribadeo, a 23 de maio de 2020. O voceiro do Grupo Municipal do Partido Popular de Ribadeo, Daniel Vega, asegura que “é de xustiza que se permita a mobilidade entre as comunidades de Galicia e Asturias”.
Vega cre que “é razoable que na fase 2 na que entrarán ambas comunidades o vindeiro luns se permita a mobilidade entre elas” porque, en ambos casos, teñen realizado un traballo responsable ante a crise do coronavirus e así o demostran os seus indicadores”. Polo tanto, “é hora de que o Goberno actúe”, incide.
Tendo en conta que “existe unha gran relación entre ambas comunidades e, especialmente, entre Ribadeo e todo o occidente asturiano; é moi importante a comunicación entre ambas comunidades” que contribuiría tamén á reactivación do tecido económico ribadense. Hai que ter en conta que “as vendas do comercio local dirixidas ao occidente asturiano representan o 60% do seu volume total”.
O popular sinala que o presidente da Xunta xa fixo esta “sensata reivindicación” hai máis de quince días e dende o Grupo Municipal Popular de Ribadeo “apoiamos esta petición dirixida ao mando único que, durante o estado de alarma, é o Goberno central”, explica Vega. Así mesmo, defende que “a reivindicación de Ribadeo tiña que partir dende a corporación municipal en forma de acordo consensuada con tódolos grupos”.
Con todo, Daniel Vega asegura que “apoiaremos todas as peticións para que, máis rápido que tarde, sexa unha realidade que se permita a mobilidade entre as dúas comunidades” porque “sería moi positivo para Ribadeo”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
