Mondoñedo, 23 de maio de 2020. O Concello de Mondoñedo abre unha terceira liña de axudas para o tecido produtivo do municipio, co fin de axudar a impulsar a reactivación da economía trala crise provocada pola covid-19. As bases modificadas que regulan estas axudas indican que o obxectivo “é actuar de maneira inmediata (…) e impulsar a actividade económica (…) outorgando liquidez aos autónomos e as empresas do concello para, contribuíndo a facilitar o cumprimento das súas obrigas, axudar ao mantemento da actividade e así acadar a debida protección do emprego”. As bases que rexerán estas axudas serán aprobadas o próximo venres polo pleno, para a súa inmediata publicación oficial. O goberno municipal indica que seguirá explorando novas vías de axuda ao tecido produtivo. Hai que recordar que o pleno municipal aprobou no seu momento por unanimidade un paquete de axudas a concretar no seu desenvolvemento.
En síntese, o Concello pretende protexer o interese xeral dos veciños e das veciñas de Mondoñedo, dando soporte aos autónomos/as, microempresas e pequenas empresas, así como aos traballadores por conta allea residentes en Mondoñedo.
O goberno mindoniense considera que os concellos deben xogar un papel clave na superación da crise económica, e polo tanto de emprego. As administracións central e autonómica proporcionan recursos estándares que unicamente os concellos poden ensamblar e adaptar á súa realidade particular. Deste xeito, lonxe de invadir competencias ou producir duplicidade algunha, fan posible lograr a eficacia da dimensión local do emprego á que se apunta tanto na Ley Nacional de Empleo como pola Comisión Europea.
Estas subvencións cubriranse a cargo do vixente orzamento municipal. No caso de que finalizado o prazo de solicitude se tiveran presentado un número de solicitudes para o que non foran dabondo as contías inicialmente consignadas, poderanse ampliar os créditos ata a cobertura do maior número delas posible.
Subvencionarase o 100% do total dos gastos subvencionables, segundo se establece nas bases reguladoras destas axudas, xustificados e debidamente pagados ata un importe máximo individualizado por persoa ou entidade beneficiaria de 700 euros.
O modelo de solicitude normalizado para a obtención das subvencións está na web municipal www.concellomondonedo.es e nas oficinas municipais. As solicitudes, poderán presentaranse por vía telemática, a través da Sede Electrónica do Concello de Mondoñedo accesible no enlace https://mondonedo.sedelectronica.gal, utilizando o formulario xenérico de solicitude dispoñible na sede, ou nas oficinas municipais. O prazo de presentación de solicitudes será de vinte días hábiles a partir do día seguinte á publicación do extracto da convocatoria no Boletín Oficial da Provincia de Lugo (BOP).
Consulta
Para preparar esta liña de apoio ao tecido produtivo, o Concello consultou a todos os establecementos de hostalería, co fin de coñecer as súas necesidades. O obxectivo era buscar formulas para habilitar os espazos que se precisen para poder traballar coidando tamén ao resto de negocios. O Concello agradece o traballo efectuado pola Aciam, así como a comprensión de todos os veciños.
A liña de axudas deseñouse no marco do diálogo e da comprensión dos problemas dos distintos sectores.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
