Ribadeo, 17 de xuño de 2020. O alcalde, Fernando Suárez, anuncia a convocatoria de 18 postos de traballo laborais temporais. Trátase de 17 socorristas acuáticos a xornada completa e 1 xefe de equipo de socorrismo acuático tamén a xornada completa. O rexedor asegura que o equipo de goberno afronta con ilusión e con dificultade a campaña de verán, debido ás esixencias de bandeira azul, da Q de calidade e ás derivadas do Covid-19. Suárez Barcia amósase decepcionado coa Xunta de Galicia, xa que só lle subvenciona a Ribadeo 6 socorristas este ano fronte aos 8 do pasado. O alcalde acusa á administración autonómica de vender fume.
O rexedor explicou que “no día de hoxe sacamos a convocatoria dunha serie de postos laborais temporais para este verán 2020. Concretamente sacamos 17 prazas de socorristas para esta época estival cun salario de 1.300 euros ao mes en bruto agás para o xefe de equipo que serán 1.500 euros ao mes”.
Fernando Suárez subliñou que “isto supón un esforzo moi importante desde o punto de vista económico. E ao mesmo tempo este ano, como todo o mundo sabe, moi problemático pola situación do coronavirus e pola incerteza desta nova normalidade. Este ano temos unha problemática enorme co control, por si se fan aforos ou non, cos requisitos que piden as bandeiras azuis que nos acaban de conceder, coa Q de calidade que temos tamén en varias praias e que afrontamos con moita ilusión, pero con moita dificultade”.
O alcalde criticou que “este ano concretamente estamos enormemente decepcionados pola actitude que ten a Xunta outra vez máis con Ribadeo. No 2019 tan só nos deron oito pírricos socorristas e este ano, con todo o que está caendo con todo o problema que temos, déronos nin máis nin menos que seis socorristas, unha cifra equivalente en 18.000 euros, cando o sistema de socorrismo e de atención a todo o que significa este ámbito estival nos supón 100.000 euros, e a Xunta nun ano tan problemático no que di que tanto axuda aos Concellos nos da menos que nunca. Isto é unha proba de que todo o que están facendo desde a Xunta de Galicia do PP é fume o que vende día tras día, nos xornais e na súa televisión, pero a realidade é ben distinta á que se vende neses mundos ideais. Polo tanto desde o Concello, concretamente desde o noso, rascamos fondos de onde podemos porque queremos dar seguridade nas nosas praias, á nosa xente e tamén aos de fora que poidan vir neste verán”.
Suárez Barcia engadiu que “o prazo para inscribirse nestas prazas convocadas polo Concello de Ribadeo será ata o 25 deste mes de xuño”.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
