Lugo, 17 de xuño de 2020. A Deputada de Réxime Interior, Promoción do Territorio e Turismo, Pilar García Porto, participou no quinto e último foro online dos encontros Abrindo as portas: o rexurdir do turismo que puxo en marcha a Deputación no marco da campaña EN LUGO, SI, dirixida a impulsar o tecido económico e os sectores produtivos da provincia. García Porto manifestou que destas xornadas se extraen fundamentos sólidos e as claves para afrontar o futuro do turismo post-Covid-19. “Estou segura de que cos axustes necesarios a provincia de Lugo consolidarase como un destino seguro, capaz de manter ou incluso de incrementar a confianza que xa xeraba no mercado nacional e internacional”, subliñou.
Este quinto encontro estivo focalizado no sector hostaleiro e nas medidas que debe adoptar para devolver a confianza na cidadanía. Estivo protagonizado por Cheché Real, presidente da Asociación Provincial de Empresarios de Hostalería de Lugo (APEHL); José Luis Yzuel, presidente de Hostelería de España; e David Domínguez, director de Horeca Data e Proyecto Hostelería Segura.
García Porto puxo de manifesto a capacidade da hostalería española para “deseñar campañas de éxito, para innovar na presentación dos produtos ou xerar novas ideas. Dende a Deputación estamos seguros de que a aposta por estes selos de garantía sanitaria contribuirá de maneira notable á recuperación do sector”. Así mesmo, puxo en valor o traballo da hostalería e o turismo lucense de maneira particular: “fan un esforzo continuo por gañar visibilidade e presentar os seus produtos no conxunto do territorio español e é de xustiza recoñecer o traballo da APEHL e de Hostelería de España”.
Pola súa banda, a patronal da hostalería nacional, representada polo seu presidente, José Luis Yzuel, alentou aos profesionais do sector a seguir sumando esforzos para devolver a confianza aos clientes. “Estamos na zona cero da pandemia, un dos sectores máis afectados, pero dende o primeiro momento encaramos o problema con seriedade e puxémonos a traballar para implantar protocolos, formar o cadro de persoal e adaptar os establecementos para que os clientes volvan, somos o sector que máis felicidade achega e non podemos fallar”.
Yzuel tamén puxo riba da mesa a cara solidaria que amosaron os hostaleiros e hostaleiras de España durante os momentos máis duros da pandemia. “Somos un sector solidario e temos exemplos en todas a cidades de España, onde se cociñaron milleiros de comidas solidarias”. E engadiu que “se crearon grandes alianzas entre nós que deben seguir porque xuntos lograremos dar as solucións que a sociedade necesita para volver aos bares e restaurantes con tranquilidade”.
Neste sentido discorreu a intervención de David Domínguez, director de Horeca Data e Proyecto Hostelería Segura. “Lanzamos hai dous meses un sistema integral de preparación gratuíto para esta nova normalidade para actuar ben e aplicando medidas específicas ante o novo panorama. Na provincia de Lugo sumáronse 116 empresas que recibirán unha acreditación e en total, no conxunto de España, formamos a máis de 8.400 profesionais”.
Cheché Real aproveitou a súa intervención para transmitir o agradecemento do conxunto do sector lucense ás distintas administracións con competencias pola especial sensibilidade amosada nesta situación derivada da Covid-19. O presidente da APEHL quixo ademais recalcar que as pautas deben ser informadas á clientela e criticou que algúns establecementos se presenten como “libres de Covid-19”, cando “iso é imposible e non se pode garantir, temos que actuar ben, seguindo os protocolos para minimizar ao máximo a posibilidade de contaxio”.
Visión optimista
Durante catro sesións de debate e unha conferencia inicial, a Deputación creou a través da canle de YouTube dos Servizos Audiovisuais un lugar de intercambio de opinións e de análise para abordar a reactivación turística da provincia de Lugo. “Reunimos a representantes de máis dunha vintena de asociacións de profesionais e de empresas, da sociedade civil, de entidades que traballan polo desenvolvemento do sector e de organismos oficiais con competencias neste ámbito, todos con moito peso no turismo e que amosaron dende o seu prisma particular as necesidades do sector”, explica García Porto.
A Deputada apuntou que “percibimos un moderado optimismo, varias asociacións manifestaron que as reservas son tímidas para xullo, pero en maior grao para agosto e setembro, un optimismo que vai ligado á seguridade sanitaria, o tema transversal de todas as citas”. Ademais, quedou palpable que “é preciso establecer colaboracións público-privadas, así se fixo ver, para compartir información e traballar xuntos para harmonizar as ofertas”.
García Porto salientou que cómpre tamén impulsar a profesionalización do sector, que foi outra das conclusións obtidas: “Pecharlle as portas ao intrusismo non é só unha necesidade económica, senón tamén un modo de contribuír a xerar seguridade entre os clientes”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
