A Mariña, 25 de xuño, 2020. A cabeza de lista da candidatura do PPdeG pola provincia de Lugo ás eleccións ao Parlamento galego, Elena Candia, mantivo unha reunión con representantes de Porto de Celeiro e Armadores de Burela xunto á responsable da área de pesca do partido na provincia, Mercedes Rodríguez, na que sinalaron a importancia do volume de descargas e facturación nas lonxas da Mariña. A popular destacou, neste sentido, que “a media do número de descargas de peixe durante o goberno de Feijóo creceu en máis dun 7% con respecto á etapa do bipartito e a facturación, neste mesmo período, incrementouse case un 24%”.
Candia explicou que as descargas no ano pasado foron de 30.700 toneladas de peixe e marisco, o que representa preto do 20% das descargas no total de Galicia. “Máis indicativo do peso do sector pesqueiro da nosa comarca é o volume de facturación que alcanzaron as lonxas no último ano: 108,8 millóns de euros. Isto representa o 24% de Galicia. É dicir, entre Celeiro e Burela xuntas moven a cuarta parte do diñeiro das lonxas galegas”, indicou a popular.
No que respecta ás exportacións e importacións, a pesca lucense incrementou un 120% a cifra de exportacións e cuadriplicou o volume de importacións dende o 2009 ao 2019 debido, fundamentalmente, á existencia de empresas pesqueiras de Lugo con buques con pavillón internacional que descarga as súas capturas en Lugo como importacións.
“A industria do sector da pesca é, indubidablemente, unha importante fonte de recursos para a nosa comarca”, resaltou Elena Candia. Concretamente, está composta por 130 empresas que facturan anualmente 442 millóns de euros e dan emprego a 1.400 mariñáns. “Só Alcoa e Vestas supera ao complexo mar-industria; pero, ademais, seis das dez primeiras industrias da Mariña pertencen ao eido pesqueiro”, puntualizou.
Dos 157 buques da frota do sector pesqueiro da provincia de Lugo, 43 con base en Burela e Celeiro forman parte da frota de Gran Sol -a metade da frota española-. Candia quixo facer especial mención á merluza como principal peixe extraído que chega a mover cada ano máis de 100 millóns de euros.
A candidata ás eleccións do Parlamento de Galicia sinalou tamén que, “o sector pesqueiro lucense xera emprego”. De feito, “o número de postos de traballo a bordo dos buques pesqueiros con porto base na provincia de Lugo aumentou en 64 persoas entre 2011 e 2019 en 64 persoas, a pesar do descenso do número de buques”.
BREXIT
“Como ben é sabido, a saída do Reino Unido da Unión Europea produce efectos en todos os ámbitos da actividade, incluído o pesqueiro”, subliñou Candia que explicou que “esta situación afecta de forma particular á Mariña” porque “a actividade da frota con porto base en Burela ou Celeiro que faena en augas comunitarias -entre elas ata agora as británicas- é moi importante e ante a falta dun acordo que permita aos buques seguir faenando nesas augas supón graves prexuízos para os nosos barcos”.´
Por outra banda, buques de bandeira británica descargan e venden os seus produtos nos portos mariñáns; polo que, de non chegarse a un acordo noutro sentido, serían considerados de terceiros países no momento da saíde e sería preciso que pasen unha inspección aduaneira dun Punto de Inspección Fronteiriza de competencia do Goberno central. “Neste momento, non existe ningún en ningún porto da comarca”, advertiu a popular.
Candia defendeu que “Galicia e a consellería do Mar entendeu desde antes do referendo do brexit o que isto podía implicar para a nosa pesca e, por iso, traballa dende o primeiro momento na defensa dos intereses pesqueiros -sen que a pesca sexa utilizada como moeda de cambio nas negociacións do Brexit-, minimizar o seu impacto e converter este proceso inédito en Europa nunha oportunidade”.
“O Goberno galego sempre defendeu -e defende- un acordo do Brexit a longo prazo que aposte pola sustentabilidade da pesca e que estea ligado ao acceso mutuo aos recursos, ás zonas pesqueiras e ao mercado; que permita preservar e mellorar a distribución dos TACs e cotas de pesca e que proporcione un marco de xestión que garanta a sustentabilidade das nosas poboacións”, expuxo.
A candidata da formación popular especificou que “Galicia foi a primeira rexión europea en trazar unha folla de ruta e sigue expectante ante o Brexit”. E, ademais, “a Xunta creou un grupo de traballo interdepartamental sobre o Brexit e sobre os efectos que tería na economía e na sociedade galega. Así mesmo, puxo en marcha hai meses unha plataforma dixital que ofrece asesoramento técnico e personalizado ás empresas”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
