Barreiros, 26 de xuño de 2020. Barreiros vén de acoller unha reunión de coordinación en materia de seguridade e vixianza entre o Concello, a Garda Civil e a agrupación local de Protección Civil. Nela tomaron parte a alcaldesa, Ana Ermida, o concelleiro encargado de praias, Dani García, o sarxento do posto da Garda Civil de Barreiros, José Manuel López, a secretaria da agrupación local de Protección Civil e a secretaria-interventora municipal.
A alcaldesa barreirense asegurou que “ante o incremento poboacional que se dá en Barreiros nos meses de verán, é preciso intensificar a coordinación en materia de seguridade e vixianza e, máis se cabe, neste verán, no que as medidas deben ser aínda máis estrictas.”
Ermida explica que “aínda que Barreiros non cumpre coas características para contar con unha Xunta Local de Seguridade, ao non contar con Policía Local, as circunstancias relativas á poboación flotante e servizos que se dan especialmente nos meses de verán, así como a existencia dun importante número de segundas residencias, provocan que sexa necesaria unha especial coordinación dos recursos municipais –nomeadamente a Agrupación de Persoas Voluntarias de Protección Civil- coas Forzas e Corpos de Seguridade do Estado para tentar dar solución ao control das principais problemáticas que se poidan xerar en Barreiros.”
Ademais, afonda en que “a situación xerada pola crise da COVID-19 e as medidas adoptadas para o control da pandemia, requiren de actuacións a maiores das habituais que deben ser avaliadas polas partes que se verán implicadas na súa execución.”
Neste sentido, algúns dos temas que se abordaron na xuntanza convocada pola alcaldía foron os relativos ás medidas de seguridade e cumprimento das normas nas praias e espazos públicos, o control e procedemento para os supostos de aparición de verquidos de residuos ou as medidas de control no relativo ao uso de aparcamentos públicos como zonas de acampada por autocaravanas ou venda ambulante.
“Existen normativas que debe cumprir todo o mundo e que desde o Concello, en colaboración coas Forzas e Corpos de Seguridade do Estado, debemos facer cumprir para que Barreiros sexa un lugar atractivo e agradable para vivir e visitar”, afirma a alcaldesa. “Por iso, tratamos de coordinar actuacións para que todas as persoas que vivan ou visiten Barreiros cumpran coas normas das que nos temos dotado colectivamente.”
Ana Ermida afirmou que “Barreiros porá en marcha mecanismos de vixianza para detectar calquera incumprimento e que se actuará de xeito contundente para atallalos, xa que deixar facer o contrario sería prexudicial para o conxunto da veciñanza que soporta cos seus impostos os custos de quen non cumpre coas normas.”
A alcaldesa agradeceu a boa predisposición e a colaboración prestada xa nestes momentos aos Corpos e Forzas de Seguridade do Estado e, nomeadamente, ao posto da Garda Civil de Barreiros con quen o consistorio mantén “unha excelente relación de cooperación institucional no beneficio xeral das veciñas e veciños de Barreiros.”
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
