Cervo, 21 de xullo de 2020. O Concello de Cervo, a través das concellerías de Medio Ambiente e Turismo, está a reforzar estes días a información en materia de prevención do COVID-19 nas zonas máis concorridas e turísticas do municipio.
Así, nestas xornadas estanse a instalar unha vintena de paneis colgantes coa mensaxe “na praia sentidiño” e “no parque sentidiño” nos que se inclúen as medidas a seguir pola poboación para previr o COVID-19 –uso de máscara en todo momento menos na hora do baño, manter a distancia de seguridade ou lavar frecuentemente as mans; entre outras-.
A cartelería pódese ver na zona do peirao de San Ciprián, no paseo do Torno e nos parques municipais, zonas moi frecuentadas tanto pola veciñanza como polos turistas que visitan o municipio.
Así mesmo, xa está ondeando desde fai uns días a bandeira Azul na praia do Torno, e tamén a bandeira de Praia sen Fume; e 6 socorristas velan pola seguridade dos bañistas, aos que se lle pide que atendan e respecten en todo momento as súas recomendacións e os protocolos fixados pola seguridade de todos.
No Concello de Cervo a día de hoxe hai 0 caso activos de coronavirus; unhas cifras que hoxe podemos celebrar grazas ao comportamento exemplar da veciñanza que está a respectar en todo momento as limitacións fixadas; pero piden “manterse alerta” e “non baixa a garda” para poder continuar nesta senda e recuperar canto antes a normalidade.
O Concello de Cervo reforza a información sobre o Covid-19 nas zonas máis concorridas do municipio
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
