Ribadeo, 29 de xullo de 2020. O alcalde, Fernando Suárez, avogou pola responsabilidade “para poder vivir coa mellor normalidade posible”. Así se pronunciou despois de asistir á xuntanza entre as autoridades sanitarias e rexedores da área sanitaria da Mariña.
O rexedor dixo que “imos entrar nunha nova etapa na Mariña y en Ribadeo o máis parecida posible ao resto do país. A partir desta media noite os límites de aforo, os cumprimentos dos horarios, o uso obrigatorio da máscara, os límites nos transportes… van ser iguais aos do resto de Galicia, eliminando por tanto as restricións específicas nas que tivemos estas semanas”.
Suárez Barcia manifestou: “si é certo que o ocio nocturno seguirá sen poder reiniciar a súa actividade e que a limitación máxima de agrupamento de persoas seguirá sendo de 10 persoas”.
O alcalde ribadense engadiu: “e tamén, segundo os datos que nos pasan desde a Consellería de Sanidade, a día de hoxe Ribadeo sigue tendo 3 casos positivos, pero tendo en conta que se está ao final do ciclo de control é moi probable que en pouco tempo estas cifras melloren considerablemente. Polo tanto quero dicir que estamos listos, como di a mensaxe que desde o Concello estamos a mandar nestes días de campaña que estamos a facer para explicarlle ao mundo que Ribadeo é un lugar seguro para estar, para vir e para convivir”.
Fernando Suárez insistiu en que “o único que debemos manter, tanto nos como os que nos visitan, é o coidado e a protección de vida nos nosos actos cotiáns, como o uso da máscara e co cumprimento das normas sanitarias. Temos que ser responsables para poder vivir coa mellor normalidade posible. Se o facemos así estou seguro de que todo vai ir moito mellor”.
Fernando Suárez avoga pola responsabilidade “para poder vivir coa mellor normalidade posible”. Ribadeo segue con 3 positivos por Covid
Relacionado
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
