Lugo, 29 de xullo de 2020. A vicepresidenta da Deputación, Maite Ferreiro, participou na presentación do Festival de Pardiñas, que celebra a 41 edición cun novo formato, deslocalizado e adaptado as medidas de prevención do coronavirus.
A Casa das Palabras de Guitiriz serviu de escenario para a presentación do festival organizado polo Asociación Cultural Xermolos que este ano levará concertos, proxeccións audiovisuais, presentacións de libros e coloquios culturais a diferentes parroquias do concello durante todas as fins de semana de agosto.
Ferreiro agradeceu “o esforzo feito pola asociación para reformular o Festival e adaptarse ás excepcionais circunstancias deste ano marcado polo incidencia do coronavirus” que, sinalou, “está complicando a celebración de festas e programacións culturais por todo o país”.
O impulsor do Festival, Alfonso Blanco, explicou que “optaron por persoas, colectivos e grupos das Terras de Guitiriz, Parga e Teixeiro e con outros que, sen ser daquí, estiveron sempre con Xermolos, contribuíndo a que o festival saira adiante”. “Concebimos a cultura como unha ferramenta contra outras pandemisas, como a da desigualdade e a inxustiza, por iso cremos que ante o coronavirus non podemos baixar as forzas. Temos que pelexar contra el”, expuxo durante a presentación na que tamén participou a alcaldesa de Gujtiriz, Marisol Morandeira.
A programación arrincará o sábado 1 de agosto na carballeira de Parga coa lectura do pregón a cargo de Afonso Castro (12.00 horas) e a apertura da Mostra de Artesáns de Instrumentos Musicais na que participarán preto de 40 artesás de todo o país. O grupo de música tradiconal Tres pesos ofrecerá un concerto en pequeno formato.
As actividades continuarán ao longo de todo o mes, abertas e gratuítas, a excepción do concerto de Uxía Senlle (3 de agosto no Campo de Guitiriz ás 21.00 horas), con entrada a prezo simbólico (2 euros) para facilitar o control do aforo. Os tickets están a venda en catro negocios de Guitiriz: Soa, Xoldra, Gaibor e Librería Castaño.
A área de Cultura da Deputación de Lugo achega 20.000 euros á organización do Festival.
A continuación, detallamos a programación completa.
Sábado, día 1 agosto 2020:
*Campo da Feira de Parga. Camiño Norte de Santiago
11:30h. Apertura da Mostra de Artesáns de Instrumentos de Música Tradicional.
12:00h. Pregón : AFONSO CASTRO.
13:00h.Presentación polo seu autor, XOSE MANUEL SÁNCHEZ REI, do libro:
XOSÉ MANUEL SEIVANE RIVAS. A GAITA CON MAIÚSCULA
Pasarrúas pola vila de Parga con Os Fiadeiros.
15:30h. Mesa redonda. Artesáns de instrumentos “Onte e hoxe de un oficio”
17:00h.Obradoiro de Baile Tradicional Galego: RUTH PÉREZ e MARÍA BESTEIRO da Escola de Música Tradicional de Xermolos.
17:30h. Apertura da Mostra
19:30.Concerto en pequeno formato do grupo de música tradicional TRES PESOS.
21:00.Peche da Mostra
Domingo, día 2 agosto 2020:
* San Alberte: Camiño Norte de Santiago
Presentación do libro de Mero Iglesias: “ No baleiro dunha soidade”, unha viaxe polo Camiño Norte que nos leva a Compostela
Pequeno Concerto de Música do grupo de gaitas Caivanca.
Luns, día 3 de agosto 2020:
* Guitiriz
Pasarruas de Grupos de Música Tradicional o mediodía: A.C. ANDRADE (Vilalba) e pola tarde : NO CÓMBARO (As Pontes).
21:00h. Concerto de UXÍA SENLLE no Campo da Feira de Guitiriz
Martes, día 4 de Agosto 2020
*Guitiriz – Campo da Feira
Estrea da película “María Solinha” coa presenza do seu director Ignacio Vilar, patrocinada pola Deputación de Lugo
Sábado, día 8 de agosto 2020
* Roca no Camiño Norte de Santiago.
Parladoiro: “San Xiao de Roca e o Camiño de Santiago” por Xaquín Campo
Cinema ao aire libre en Roca.
Exposición «Camiño ComPostal».Unha mostra do comisario e reporteiro gráfico Xosé Manuel Salgado de 110 postais históricas da Asociación de Periodistas e Estudosos do Camiño de Santiago.
CINEMA documental “Trobador no Camiño: Andares pola lírica do Martín de Pradozelos” Artistas convidados: A Quenlla
Domingo, día 9 de agosto 2020:
*Campo da Feira de Guitiriz:
CINEMA ao aire libre: Video de Kamy Iglesias: “O cine en Guitiriz”
Concerto aire libre dos grupos NUADA e BERTA FRANKLIN
Sábado, día 15 de agosto 2020:
* Parga no Camiño de Santiago
Presentación do libro “Mini e Mero” no Centro de Iniciativas e Turismo
Cinema ao aire libre: documental “Mini e Mero”
Domingo, día 16 de agosto 2020
* Santa Mariña
No palco: Concerto musical pequeño formato ao aire libre.
Na igrexa: Proxección do video do CENTRO SOCIAL GOMES GAIOSO de A Coruña adicado a Bebel e a súa familia dos Irmans da Lexía
Intervención de Selva García, sobriña dos Irmáns da Lexía
Audición musical na Igrexa: “Hermanos de la Lejía” do cantor arxentino Gustavo Fuentes
Ofrenda de frores no Monumento
Sábado, 22 de agosto 2020
*Campo da Feira de Guitiriz
Presentación ao aire libre do CD de David Gómez: “Ausencias”
Homenaxe ás e os nenos .
Festa dos nenos : espectáculo de humor
Entrega dos premios do XLI CERTAME TERRA CHA DE LITERATURA E DEBUXO INFANTIL E XUVENIL
Cinema: curtas premiadas,interpretacións musicais premiadas; nenas e nenos rapeiros
Exposición dos traballos
Domingo, 23 de agosto 2020
* Guitiriz, Casa Habanera: “Homenaxe a Ricardo Carvalho Calero”
Presentación libro de Xulio Xiz: “Carballo Calero en Lugo. Don Ricardo de Fingoi”
Exposición: “Carballo Calero en Lugo. Don Ricardo de Fingoi”
Sábado, 29 de agosto de 2020
* Casa das Artes de Pardiñas
Homenaxe aos Artesáns de Pardiñas: presentación do Caderno: “O canteiro de Pardiñas”, Ramón Villar e o libro “Palleta maldita” de Sito Carracedo no seu obradoiro.
Presentación do libro de Laura Romero: Ferreñas e Rockand Roll.
Concerto no recinto da Casa das Artes.
Domingo, 30 de agosto de 2020
*Vilar: Homenaxe ás nosas aldeas no Camiño Norte de Santiago
12.00 h. Parladoiro, Alfonso Blanco: O Camiño de Santiago ao pé da Cova da Serpe.
Cinema ao aire libre: Montaxe de Fátima: “A Cova da Serpe”
Concerto ao aire libre: grupo Sons de Aldea
*Santa Locaia no Camiño Norte.
18.00 h. Presentación do cómic “Lendas do peregrino” de Xavier Varela, no albergue, escultor e escritor ao pé do Camiño
Concerto ao aire libre de Sons da Aldea.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
