Barreiros, 21 de agosto de 2020. O goberno de Barreiros trasladoulle na mañá de hoxe ao secretario xeral de transportes, mobilidade e axenda urbana do goberno do Estado as demandas que o municipio barreirense ten en relación co seu ámbito competencial, que xa lle foran trasladadas.
O secretario xeral de transportes, mobilidade e axenda urbana foi recibido no consistorio barreirense a media mañá e a continuación desprazouse ata o xacemento arqueolóxico da Roda, na parroquia de Santiago de Reinante; onde o goberno municipal lle amosou in situ o estado do mesmo e lle trasladou a necesidade de actuación para a súa consolidación e protección.
A visita de Sergio Vázquez Torrón a Barreiros, tras recibir hai uns meses no Ministerio á alcaldesa, Ana Ermida e á segunda tenente de alcaldesa, Carmen Veiga, vén a ratificar o compromiso adquirido tras a xuntanza en Madrid a respecto dos temas trasladados.
Segundo trasladou Ana Ermida “o proxecto de protección e consolidación da Roda é fundamental para poñer en valor o patrimonio arqueolóxico no noso concello e dese xeito poder avanzar na promoción do territorio desde unha visión respectuosa co medio e o propio patrimonio.”
As depuradoras en San Miguel e Reinante.
Outra das cuestións que o goberno municipal presentou ante Vázquez Torrón é a necesidade de contar con un sistema de depuración de augas residuais nas parroquias de San Miguel e Reinante que eviten os verquidos á praia de Arealonga, que sufre unha importante degradación desde hai anos e que constitúe a “porta de entrada ao noso municipio desde o lado de Ribadeo, nunha zona especialmente delicada medioambientalmente.”
Sobre esta cuestión, fixéronlle chegar a proposta de sistema de depuración alternativo que o goberno municipal tamén presentou ante Augas de Galicia para o seu análise e validación, xa que suporía unha importante rebaixa no prezo de execución e o finanzamento por parte dunha administración como a estatal podería ser moito máis asumible.
Enlace ao polígono de Barreiros.
Tamén aproveitaron a visita para insistir na necesidade de que, nas futuras obras de execución da autovía A-74 no enlace coa A-8 se contemple un enlace directo ao polígono barreirense, ao atoparse a escasos metros do previsto e ser “unha obra clave para dotar ao polígono de mellores accesos e facilitar dese xeito a incorporación de novas empresas ao mesmo.”
Vázquez Torrón reiterou o compromiso do goberno do Estado coas necesidades do Concello de Barreiros e comprometeuse a traballar na consecución das demandas trasladadas desde o executivo local.
O goberno de Barreiros traslada ao secretario xeral de transportes, mobilidade e axenda urbana do Estado as necesidades do Concello
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
Un tren con 30 pasaxeiros choca contra unha árbore en Ortigueira
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
