Ribadeo, a 3 de setembro de 2020.- A vicevoceira do Grupo Municipal do PP de Ribadeo, Elena Sierra, puido constatar, unha vez máis, “a deixadez do goberno local” en relación á conservación de zonas verdes de acceso público tras visitar as áreas recreativas da zona rural do municipio ribadense.
A popular fai estas declaracións en relación ao estado “de abandono absoluto” da área recreativa que se atopa ao lado da capela de San Roque na parroquia da Devesa. Elena Sierra sinala que “hai bancos e parrillas inutilizables” que non están a disposición de posibles usuarios.
A vicevoceira do Grupo Municipal Popular de Ribadeo faise eco así das queixas dos veciños e veciñas que aseguran que se trata dunha zona transitada; polo que consideran que “non debería atoparse en tal estado”.
Sierra pide, nese sentido, “unha mellor xestión” dos recursos municipais por parte do equipo de goberno; xa que “ata o de agora, é inexistente”, segundo critica. De feito, os populares veñen denunciando nas últimas semanas “a mala imaxe que se proxectou da vila este verán pola falta de limpeza tanto das rúas da vila coma dos colectores do lixo de todo o municipio”; así coma “a falta de conservación de parques infantís”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
