Santiago de Compostela, 3 de setembro de 2020. A Federación de Pensionistas e Xubilados de CCOO de Galicia (FPX-CCOO) alerta sobre a situación das residencias de maiores. Segundo o seu secretario xeral, Carlos Mella, a COVID-19 puxo de manifesto as «graves deficiencias» do actual sistema de atención á dependencia, de xeito especial nestes centros, que concentran sete de cada dez mortes polo novo coronavirus.
A segunda vaga da pandemia «era esperada, pero quizais chega antes do previsto», situación que «está collendo por sorpresa» as diferentes Administracións. CCOO demanda medidas de prevención e protocolos claros de actuación para as persoas usuarias e as que interactúan con elas, ao tempo que bota en falta un sistema de coordinación sociosanitaria.
Ante a aparición de novos gromos nas residencias, «estase a caer nos mesmos erros que na primeira vaga da pandemia», apunta o secretario xeral da FPX-CCOO. «As residencias son lugares de convivencia, relación e participación das persoas dependentes, que reciben o soporte e axuda do persoal traballador para suplementar esas deficiencias, estimular a súa autonomía e permitirlles ter unha vida digna», salienta Mella.
Unidades de coordinación sociosanitaria
CCOO reivindica a creación de unidades de coordinación sociosanitaria, formadas por persoas responsables de atención primaria, especializada e hospitalaria do Sergas e da Consellaría de Política Social. Na mesma liña, pide establecer procedementos de interlocución entre as empresas que xestionan as residencias e as ditas unidades de coordinación.
A FPX-CCOO tamén esixe o «estrito cumprimento» dos protocolos establecidos polas autoridades sanitarias por parte das persoas traballadoras, das persoas usuarias e das súas familias.
Erradicación dos malos tratos
Á marxe dos problemas graves relacionados coa COVID-19, a FPX-CCOO denuncia que se seguen a rexistrar casos de malos tratos, soidade e abandono nalgunhas residencias. Neste sentido, o sindicato pide mecanismos como un plan de prevención e erradicación dos malos tratos ás persoas maiores, tendo en conta o enfoque de xénero, así como as situacións de discapacidade ou dependencia.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
