Ribadeo, a 11 de setembro de 2020.- O voceiro do Grupo Municipal Popular de Ribadeo, Daniel Vega, critica a falta de implicación do alcalde e o goberno local do BNG na procura de solucións para a situación que está a vivir o sector do ocio nocturno. “O goberno municipal o único que fai é poñer paus nas rodas en lugar de concretar medidas para axudar”.
O popular asegura que “é moi importante actuar rapidamente” porque “o sector o está a pasar mal” e traslada “todo o noso apoio a todos os hostaleiros do ocio nocturno ribadense”. Así, advirte que “o sector permanece pechado e, polo tanto, non xera ingresos de ningún tipo. Esta situación non pode prolongarse no tempo”, asegura.
Nese sentido, sinala que “noutros Concellos xa actuaron; pero neste, coma sempre, a culpa é de todos menos do goberno local”, segundo di o voceiro do Grupo Municipal Popular. Vega cre que “é vergoñenta a actitude dos que nos están xestionando. Que se deixen de desculpas. O goberno local pode actuar”, engade.
O Concello si ten competencias
O popular aclara que “o Concello ten competencias sobre as licenzas municipais” como recolle a Lei de Bases do Réxime Local. E engade que “é o Concello o que ten competencias sobre o outorgamento de licenzas, adoptar as medidas excepcionais que considere oportunas como consecuencia da situación de pandemia, ampliar ou reducir o horario dos establecementos ou engadir requisitos ou límites para a apertura de establecementos públicos”.
Así o recollen os apartados b), c), f) e g) do artigo 5 da lei 10/2017, de 27 de decembro, de espectáculos públicos e actividades recreativas de Galicia:
b) Recibir e comprobar as declaracións responsables, así coma outorgar as licenzas que correspondan en relación coa apertura de establecemento abertos ao público”.
c) Adoptar as medidas que sexan necesarias para o desenvolvemento ordenado dos espectáculos públicos e actividades recreativas da súa competencia, sen prexuízo das competencias estatais en materia de seguridade pública.
f) Autorizar as ampliacións ou reducións sobre o horario xeral, en atención a los criterios, supostos e circunstancias que, no seu caso, figuren na orde de horarios prevista no artigo 17.
g) Engadir, dentro das súas competencias e sen prexuízo das que correspondan á Administración da Comunidade Autónoma de Galicia, os requisitos, condicións ou límites para a apertura de establecementos públicos e a celebración de espectáculos públicos e actividades recreativas no seo das súas ordenanzas municipais.
Compromiso do Goberno galego co sector
O voceiro do Grupo Municipal Popular de Ribadeo recorda que “o peche dos establecementos de ocio nocturno é unha medida que tomou o Goberno de España no seu conxunto como actuación necesaria para frear a pandemia do coronavirus”.
Así mesmo, explica que o Goberno galego se comprometera co sector durante unha reunión celebrada en agosto a que as terrazas dos locais de ocio nocturno comezasen a funcionar antes da reapertura do seu espazo interior.
Así, “a Xunta cumpre o seu compromiso” e hoxe mesmo o DOG publica a modificación do acordo do Consello do 12 de xuño sobre medidas de prevención para facer fronte á crise da covid-19 que permite a apertura das terrazas destes locais nas mesmas condicións que as dos establecementos de hostalería, é dicir, con aforo ao 75% en mesas de non máis de 10 persoas e ata a unha da madrugada sen que estea permitido o acceso a partir das doce.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
