Lugo, 11 de setembro de 2020. O Presidente da Deputación de Lugo, José Tomé Roca, e o Presidente da Asociación de Empresarios de Hostalería e Turismo de Lugo (APEHL), José Francisco Real Castro, asinaron este venres no Pazo de San Marcos un convenio de colaboración de 60.000 euros para o financiamento de actividades e iniciativas para a promoción turística e gastronómica, así como para a celebración dun curso de especialización en enoturismo.
José Tomé destacou que “o Goberno da Deputación cre que o contacto, o diálogo e a colaboración directa cos sectores produtivos é a mellor maneira de favorecer o desenvolvemento do territorio, e moito máis nesta situación de grave crise sanitaria e económica que vivimos pola pandemia da Covid-19. Así o cremos e así o levamos á práctica”. Neste eido, o mandatario provincial agradeceu á APEHL e aos empresarios e traballadores a súa actitude de cooperación nesta situación de crise sanitaria.
“Os hostaleiros da provincia de Lugo apostaron dende o primeiro momento pola responsabilidade, a colaboración, e as suxerencias ou reivindicacións apoiadas no análise da realidade. Antepoñendo a seguridade dos clientes e veciños ós seus intereses económicos. Pero sen deixar de reclamar, dende a colaboración e a sensatez, que as medidas sanitarias se adopten con criterios obxectivos, sen demonizar a ningún sector e conxugando a protección da saúde pública co mantemento, no maior grado posible, da actividade económica”, subliñou o Presidente.
Nesta liña, José Tomé explicou que “o convenio que hoxe firmamos ten por obxecto apoiar e manter a actividade no sector, neste caso, desenvolvendo actividades de promoción turística e gastronómica de Lugo e tamén para a celebración dun curso de enoturismo. O enoturismo é un exemplo de turismo non masificado, que aporta valor engadido e, tamén, sostible no tempo. Un turismo que invita á idealización. Que pide repetir visita para coñecer o resultado dunha nova colleita ou unha nova bodega. A elaboración do viño permite deseñar rutas de contacto coa natureza, de coñecemento dos métodos tradicionais ou as novas tecnoloxías, e, por suposto, de maridaxe coa gastronomía da terra”.
Por último, o Presidente felicitou á APEHL e aos empresarios e traballadores “pola súa capacidade para presentar propostas que aproveitan a calidade da nosa materia prima e adaptadas ás necesidades destes tempos complicados. Uns tempos que imos superar entre todos e todas, dende a unidade e a colaboración”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
